Цифрландыру тек технологияларды ғана емес, жұмыс үдерістерін ұйымдастыру тәсілдерін де өзгертуде. ҚР Президенті Іс басқармасы жүйесінде үдерістердің ашықтығына, деректермен жұмыс істеу тиімділігіне және бастамалардың іске асырылуын жүйелі бақылауға ерекше мән беріледі.
Осы жағдайларда жобалық басқарудың маңызы арта түсті. ПІБ жобалық қызметке бірыңғай тәсілді қалыптастыру мақсатында Инженерлік-техникалық орталықтың құрылымында Жобалық кеңсе жұмыс істейді. Ол жобаларды басқарудың бірыңғай тәсілдерін қалыптастырып, олардың барлық кезеңдерінде іске асырылуын сүйемелдейді.
Бүгінде оның жұмысы аясында 700-ден астам жоба іске асырылды. Жобалар ПІБ қызметінің негізгі бағыттарын қамтиды.
Міндеттердің ауқымды көлемі жедел әрі жүйелі бақылауды талап етеді. Жобалық басқарудың тиімділігін арттыру мақсатында барлық бастамалар, бағдарламалар мен портфельдер туралы ақпаратты бірыңғай цифрлық кеңістікте біріктіретін ақпараттық платформа енгізілді.
Платформа жобалардың іске асырылу барысы мен мерзімдерін, негізгі көрсеткіштерді, ауытқулар мен ықтимал тәуекелдерді нақты уақыт режимінде бақылауға мүмкіндік береді. Бұл проблемалық мәселелерді уақтылы анықтап, басқарушылық шешімдерді жедел қабылдау үшін өзекті ақпарат алуға мүмкіндік береді.
Жобалық басқару жүйесі одан әрі жетілдірілуде. Ағымдағы жылы ПІБ жобалық басқару регламентіне бизнес-процестерді қайта құруға, рөлдер мен жауапкершілік аймақтарын қайта бөлуге, сондай-ақ жобадан кейінгі міндетті мониторингті енгізуге бағытталған өзгерістер енгізілді.
Осылайша, бірнеше жыл ішінде ПІБ-дағы жобалық басқару жеке құралдан күнделікті жұмыс үдерісіне интеграцияланған тұрақты басқару тәжірибесіне айналды. Бүгінде Жобалық кеңсе тек бақылаушы бөлімше ретінде ғана емес, сонымен қатар әдістемені дамытатын, бірыңғай стандарттарды енгізетін және жобаларға қатысушыларға жұмысты тиімді ұйымдастыруға көмектесетін құзыреттер орталығы ретінде қызмет атқарады.
