Жаңа оқу жылы қарсаңында мамандар мектептерде, балабақшаларда және асханаларда санитариялық бақылауды жүргізудің маңыздылығын еске салды. Мұндай тексерулер азық-түлік пен ауыз судың қауіпсіздігін растауға, сондай-ақ ішек инфекциялары мен астан улану қаупін азайтуға мүмкіндік береді.
ҚР ПІБ Медициналық орталығының Санитариялық-эпидемиологиялық сараптама орталығының мамандары білім беру ұйымдарындағы азық-түлік өнімдері мен ауыз суға тұрақты түрде зертханалық зерттеулер жүргізеді. Сонымен қатар зертхана қызметкерлері ас үй жабдықтарынан, ыдыстардан, турау тақтайларынан және персоналдың қолдарынан шайынды сынамаларын алады.
Зерттеулер санитариялық талаптардың сақталуын бағалауға және аурулардың туындауына себеп болуы мүмкін қауіпті микроорганизмдерді анықтауға мүмкіндік береді.
2025 жылы мамандар білім беру ұйымдары мен қоғамдық тамақтану нысандарында азық-түлік өнімдеріне, ауыз суға және шайынды сынамаларына 38,8 мыңнан астам зертханалық зерттеу жүргізді.
Барлық зерттеулер аккредиттелген зертханада заманауи әдістерді, сертификатталған жабдықтар мен белгіленген талаптарға сәйкес келетін материалдарды пайдалана отырып жүргізіледі.
«Тұрақты зертханалық бақылау санитариялық талаптардың бұзылуын дер кезінде анықтауға және қажетті профилактикалық шараларды қабылдауға мүмкіндік береді. Әсіресе білім беру ұйымдарында мұндай бақылаудың маңызы зор. Себебі балалардың ағзасы тағамнан болатын инфекциялар мен улануға әлдеқайда сезімтал келеді», – деді Санитариялық-эпидемиологиялық сараптама орталығы зертханасының аға дәрігері Рауа Мыңайдарова.
