5 мамырда Дүниежүзілік қол гигиенасы күні атап өтіледі. Бұл қарапайым тазалық дағдысы болғанымен маңызы өте зор қол гигиенасын сақтауды еске салатын дата.
Медициналық орталыққа қарасты Санитариялық-эпидемиологиялық сараптама орталығының мамандарының сөзінше, қарапайым гигиена ережелері қазіргідей медицина дамыған заманның өзінде денсаулықты қорғаудың ең сенімді тәсілдерінің бірі болып қала береді.
Дүниежүзілік денсаулық сақтау ұйымының деректеріне сәйкес, қолды жүйелі түрде жуу ішек және тыныс жолдары инфекцияларымен жұқтыру қаупін айтарлықтай төмендетеді. Жұқтыру көбінесе «сырттан» болмайды, керісінше, адам лас заттармен жанасқаннан кейінгі бетті ұстаудан, тамаққа немесе жеке заттарға қол тигізгеннен кейін болады.
Қол сырт көзге таза болып көрінсе де, онда микробтар қалуы мүмкін. Олар күнделікті қолданылатын заттар арқылы оңай таралады, ұялы телефондар, ақша, есік тұтқалары, қоғамдық көліктегі тұтқалар т б.
Мамандар қол гигиенасы күнделікті айнымас әдетке айналуы тиіс екенін еске салады. Әсіресе қолды көшеден және қоғамдық көліктен кейін, тамақ ішер алдында және тағам дайындау алдында, жануарлармен байланыстан кейін (қолмен ұстау), сондай-ақ жөтелгеннен немесе түшкіргеннен кейін жуу маңызды.
Қолды сабынмен кемінде 20 секунд жуу қажет, алақанды, қолдың сыртқы бетін, саусақ аралықтарын және тырнақ астын мұқият тазарту керек. Антисептиктерді қосымша қолдануға болады, бірақ олар ластану кезінде толыққанды қол жууды алмастырмайды.
Орталық мамандарының сөзінше, зертханалық тәжірибеде қол гигиенасы биологиялық қауіпсіздікпен және зерттеу нәтижелерінің дәлдігімен тікелей байланысты. Бұл ережелердің күнделікті өмірдегі маңыздылығы да осындай.
Санитариялық-эпидемиологиялық сараптама орталығы қарапайым профилактикалық шараларды естен шығармауға және қолды тұрақты түрде жуудың маңыздылығын атап өтеді. Бұл денсаулықты сақтаудың ең қарапайым әрі ең тиімді әдеттерінің бірі.
