Референс-зертханада заманауи АТ-05 уыттылық анализаторын қолдана отырып, бірқатар ыдыс түрлерінің қауіпсіздігіне зерттеу жүргізілді. Жұмыс барысында мамандар материалдардың тағамдық ортамен жанасуы кезінде зиянды заттардың болжамды бөлінуін бағалады.
Сынақтар барысында шыны, керамика, пластик және металл ыдыс үлгілері зерттелді. Талдау жүргізу үшін мамандар су сығындыларын дайындады. Үлгілер модельдік ортада ұсталып, кейін алынған ерітінді биотестілеу әдісімен зерттелді. АТ-05 анализаторы тест-организмдердің реакциясын тіркеп, жалпы уыттылық индексін есептейді.
Зерттеу нәтижелері бойынша шыны ыдыстарда уыттылықтың ең төмен көрсеткіштер анықталды. Керамикалық бұйымдар белгіленген санитариялық талаптарға сәйкес келді. Ал пластик және металл ыдыстардың жекелеген үлгілерінде зиянды заттардың жоғары көрсеткіштері анықталды, бұл өндіріс технологиясының бұзылуын немесе сапасыз шикізаттың қолданылуын көрсетуі мүмкін.
Сарапшылар зертханалық тұрақты бақылау әсіресе қоғамдық тамақтандыру орындары, білім беру және медициналық ұйымдар үшін аса маңызды екенін атап өтеді. АТ-05 анализаторын қоса алғанда, заманауи бағалау әдістерін қолдану қауіпті өнімдерді уақтылы анықтауға және тұтынушылар денсаулығына қауіп-қатердің салдарын азайтуға мүмкіндік береді.
Санитариялық-эпидемиологиялық сараптама орталығының мамандары ыдыс таңдаған кезде таңбалаудың, сәйкестік сертификаттарының және ілеспе құжаттаманың болуына назар аударуды, сондай-ақ бұйымдарды пайдалану қағидаларын қатаң сақтауды ұсынады.
