Астанада Медициналық технологиялар және ақпараттық жүйелер орталығы ұйымдастырған Кайдзен философиясына арналған екі күндік тренинг аяқталды.
Қатысушылардың айтуынша, бұл оқу әдеттегі жұмыс үдерістеріне жаңаша қарауға мүмкіндік берген маңызды тәжірибе болды.
Тренингтің басты тұжырымы – кез келген стратегияның өзегінде адам тұрады. Ұйымның тиімді жұмыс істеуі ең алдымен қызметкерлердің белсенділігі мен бастамашылдығына байланысты.
Сабақтар барысында Кайдзеннің негізгі құралдары талданып, жасырын шығындар зерттелді. Ал практикалық бөлімде командалар процестерді карталап, нақты өсім нүктелерін анықтады. «Біз уақыт пен күштің нақты қай жерде жоғалатынын және үлкен шығынсыз, тек көзқарасты өзгерту арқылы жұмысты қалай жақсартуға болатынын көрдік», – деді қатысушылар.
Оқыту Кайдзеннің жай ғана теория емес, жауапкершілік, сапа және өзара әрекеттесу мәдениетін қалыптастыратын тиімді құрал екенін көрсетті.
Толығырақ https://kaz.inform.kz/
