Қазақстан Республикасы Президенті Іс басқарушысының 2024 жылғы 29 тамыздағы № 04/198 бұйрығы. Қазақстан Республикасының Әділет министрлігінде 2024 жылғы 29 тамызда № 35011 болып тіркелді
БҰЙЫРАМЫН:
1. "Қазақстан Республикасы Президентінің Іс Басқармасында террористік тұрғыдан осал объектілердің терроризмге қарсы қорғалуын ұйымдастыру жөніндегі нұсқаулықты бекіту туралы" Қазақстан Республикасы Президенті Іс басқарушысының міндетін атқарушының 2022 жылғы 30 қарашадағы № 05/326 бұйрығына (Нормативтік құқықтық актілерді мемлекеттік тіркеу тізілімінде № 30966 болып тіркелген) мынадай өзгерістер мен толықтырулар енгізілсін:
тақырып мынадай редакцияда жазылсын:
Қазақстан Республикасы Президентінің Іс басқармасында террористік тұрғыдан осал объектілердің терроризмге қарсы қорғалуын ұйымдастыру жөніндегі нұсқаулықты бекіту туралы";
1-тармақ мынадай редакцияда жазылсын:
1. Қоса беріліп отырған Қазақстан Республикасы Президентінің Іс басқармасында террористік тұрғыдан осал объектілердің терроризмге қарсы қорғалуын ұйымдастыру жөніндегі нұсқаулық бекітілсін.";
аталған бұйрықпен бекітілген Қазақстан Республикасы Президентінің Іс Басқармасында террористік тұрғыдан осал объектілердің терроризмге қарсы қорғалуын ұйымдастыру жөніндегі нұсқаулықта:
тақырып мынадай редакцияда жазылсын:
Қазақстан Республикасы Президентінің Іс басқармасында террористік тұрғыдан осал объектілердің терроризмге қарсы қорғалуын ұйымдастыру жөніндегі нұсқаулық";
1, 2 мен 3-тармақтар мынадай редакцияда жазылсын:
1. Осы Қазақстан Республикасы Президентінің Іс басқармасында террористік тұрғыдан осал объектілердің терроризмге қарсы қорғалуын ұйымдастыру жөніндегі нұсқаулық (бұдан әрі – Нұсқаулық) "Терроризмге қарсы іс-қимыл туралы" Қазақстан Республикасы Заңының 10-2-бабының 1-тармағына және Қазақстан Республикасы Үкіметінің 2021 жылғы 6 мамырдағы № 305 қаулысымен бекітілген Террористік тұрғыдан осал объектілердің терроризмге қарсы қорғалуын ұйымдастыруға қойылатын талаптарға (бұдан әрі – Терроризмге қарсы қорғалуды ұйымдастыруға қойылатын талаптар) сәйкес әзірленді.
2. Нұсқаулықта террористік тұрғыдан осал объектілердің терроризмге қарсы қорғалуын ұйымдастыруға қойылатын талаптар нақтыланады, сондай-ақ Қазақстан Республикасы Президентінің Іс басқармасында (бұдан әрі – Іс басқармасы) объектілердің терроризмге қарсы қорғалуын қамтамасыз етуге бағытталған іс-шаралар белгіленеді.
3. Нұсқаулық Қазақстан Республикасы Үкіметінің 2021 жылғы 12 сәуірдегі № 234 қаулысымен бекітілген Объектілерді террористік тұрғыдан осал объектілерге жатқызу қағидалары мен өлшемшарттарына сәйкес Іс басқармасының террористік тұрғыдан осал объектілерге жатқызылған объектілеріне (бұдан әрі – Іс басқармасының объектілері) қолданылады.";
5-тармақ мынадай редакцияда жазылсын:
5. Осы Нұсқаулық жетекшілік ететін объектілердің терроризмге қарсы қорғалуының жай-күйіне бақылау мен бағалауды жүзеге асыру кезінде Іс басқармасының объектілеріне қызмет көрсететін ұйымның басшылары мен қызметкерлері, күзет қызметі субъектілерінің басшылары мен қызметкерлері, Іс басқармасының ведомстволары, сондай-ақ ҚР МКҚ мен уәкілетті органдар пайдалануға арналған.";
6-тармақта:
2) тармақша мынадай редакцияда жазылсын:
2) күзет қызметкерлері – күзет қызметі субъектілерінің қызметкерлері, Іс басқармасы объектілерінің күзет функцияларына және өткізу режимін сақтауға жауапты қызметкерлері;";
4) тармақша мынадай редакцияда жазылсын:
4) хабардар ету жүйесі – террористік тұрғыдан осал объектідегі адамдарды төтенше жағдайлар (авария, өрт, дүлей апат, шабуыл, терроризм актісі) кезінде және қалыптасқан жағдайдағы іс-қимылдар туралы жедел хабардар етуге (жарықпен және (немесе) дыбыстық хабарлауға) арналған техникалық құралдар жиынтығы;";
8) тармақша мынадай редакцияда жазылсын:
8) бейнебақылау жүйесі – бейнебақылау камераларының, деректерді беру желілерінің, бағдарламалық және техникалық құралдардың және бейнежазбаларды сақтау құралдарының, сондай-ақ өзара ақпарат алмасуды жүзеге асыратын бағдарламалық және (немесе) техникалық басқару құралдарының жиынтығы;";
8-тармақта:
2) тармақша мынадай редакцияда жазылсын:
2) терроризмге дайындалу және (немесе) жасалу актісінің белгілерін анықтау мынадай шараларды қабылдау арқылы қол жеткізіледі:
күдікті адамдар мен заттарды анықтау үшін объектілердегі және жақын орналасқан аумақтағы жағдайды бақылау;
қызметкерлер арасында экстремизмнің алдын алу (құқықтық оқыту, экстремизмге қарсы теріс эмоционалды көзқарас қалыптастыру);
Іс басқармасының объектілерін инженерлік-техникалық жарақтандыру тұрғысынан материалдық-техникалық базаны жақсарту;";
4) тармақша мынадай редакцияда жазылсын:
4) объектілердегі ықтимал террористік қауіп-қатерлердің салдарын барынша азайту және жою мынадай шараларды қабылдау арқылы қол жеткізіледі:
Іс басқармасы объектілерінің ерекшеліктеріне сәйкес келетін террористік сипаттағы ықтимал қауіп-қатерлерге ден қою алгоритмдерін әзірлеу;
күзет қызметкерлерінің терроризм актісі жасалған кездегі және одан кейінгі әрекеттеріне қатысты тиісті дайындығы;
объектіде терроризм актісі жасалған кезде уәкілетті органдарға уақытылы хабарлауды ұйымдастыру;
объектінің терроризмге қарсы қорғалу паспортын уақытылы жасау және оны өзекті күйінде және тиісті түрде сақтау.";
9-тармақ мынадай редакцияда жазылсын:
9. Іс басқармасы объектісінің терроризмге қарсы қорғалуын Іс басқармасының объектісіне қызмет көрсететін ұйымның бірінші басшысы (бұдан әрі – ұйым басшысы) ұйымдастырады.";
11-тармақ мынадай редакцияда жазылсын:
11. Іс басқармасының объектілеріндегі өткізу режимін ҚР МКҚ не Қазақстан Республикасы Ішкі істер министрлігінің (бұдан әрі – ҚР ІІМ) қызметкерлері, не күзет қызметтерін жүзеге асыруға, оның ішінде террористік тұрғыдан осал объектілерді күзетуге тиісті лицензиясы бар жеке күзет ұйымының қызметкерлері, не "Мемлекеттік күзетілуі тиіс объектілердің кейбір мәселелері" Қазақстан Республикасы Үкіметінің 2011 жылғы 7 қазандағы № 1151 қаулысымен бекітілген Терроризмге қарсы қорғалуды ұйымдастыруға қойылатын талаптарға және Мемлекеттік күзетілуі тиіс объектілердің инженерлік-техникалық нығайтылуы жөніндегі талаптарға (бұдан әрі – Объектілердің инженерлік-техникалық нығайтылуына қойылатын талаптар) сәйкес Іс басқармасы объектісінің жауапты адамы әзірлеген өткізу және объектішілік режимін ұйымдастыру тәртібіне сәйкес Іс басқармасы объектілерінің күзет функциялары мен өткізу режимін сақтауға жауапты қызметкерлері жүзеге асырады.";
13-тармақта:
1) тармақша мынадай редакцияда жазылсын:
1) Іс басқармасының объектілеріне кіруді бақылау функциясы бар күзет бекетін ұйымдастыру;";
екінші және үшінші бөліктер мынадай редакцияда жазылсын:
Іс басқармасының объектілеріне кіргізуге (әкелуге) тыйым салынған заттар мен нәрселердің тізбесі осы Нұсқаулыққа 1-қосымшада айқындалған.
ҚР МКҚ күзететін объектілерге кіргізуге (әкелуге) тыйым салынған заттар мен нәрселердің тізбесі "Күзетілетін объектілерге және күзет іс-шараларын өткізу аймағына алып кіруге тыйым салынатын нәрселер мен заттардың тізбесін айқындау туралы" ҚР МКҚ бастығының 2018 жылғы 9 қазандағы № 11-244 қбп бұйрығымен айқындалады (Нормативтік құқықтық актілерді мемлекеттік тіркеу тізілімінде № 17599 болып тіркелген).";
14-тармақта:
1), 2) мен 3) тармақшалар мынадай редакцияда жазылсын:
1) Іс басқармасының объектісіне немесе оның бір бөлігіне (аймағына) қызметкерлерді, келушілерді өткізуді ұйымдастыру;
2) Іс басқармасының объектісіне көлік құралдарын өткізуді ұйымдастыру;
3) Іс басқармасы объектісінің аумағында заңға қарсы ниеті бар адамдарды, сондай-ақ объектіге кіргізуге (әкелуге) тыйым салынған заттар мен нәрселерді анықтау;";
7) тармақша мынадай редакцияда жазылсын:
7) техникалық қорғау құралдарын, оның ішінде Іс басқармасының объектісінде орнатылған құралдарды тиісті түрде пайдалану.";
16 мен 17-тармақтар мынадай редакцияда жазылсын:
16. Ұйымның басшысы Іс басқармасының әрбір объектісінде өткізу және объектішілік режимін ұйымдастыру тәртібінің негізінде күзет функциясына жауапты қызметкердің лауазымдық нұсқаулығында тиісті құқықтар мен міндеттерді қарастырады.
17. Лауазымдық нұсқаулықтың иесізденген сипаты болады және Іс басқармасының әрбір объектісі үшін оның ерекшеліктерін ескере отырып жасалады.";
23-тармақтың екінші бөлігі мынадай редакцияда жазылсын:
ҚР МКҚ қорғайтын объектілерді қоспағанда, Іс басқармасының объектілерінде іс-тәжірибе ұйымдастыру мен жүргізуді терроризмге қарсы күрес жөніндегі жедел штаб жүзеге асырады және ол Іс басқармасының объектілеріндегі режимді және олардың терроризм актісін жасауға кедергі келтіруге және оның салдарын барынша азайту мен жоюды қамтамасыз етуге дайындығын бағалаудан тұрады.";
24-тармақтың бірінші бөлігі мынадай редакцияда жазылсын:
24. Профилактикалық және оқу іс-шараларын өткізуге Іс басқармасының қызметкерлері, сондай-ақ объектінің орналасқан жері бойынша әкімшілік-аумақтық бірліктің терроризмге қарсы комиссиясының (бұдан әрі – терроризмге қарсы комиссия) келісімі бойынша мемлекеттік және жергілікті атқарушы органдардың өкілдері тартылады.";
41-тармақ мынадай редакцияда жазылсын:
41. Іс басқармасының объектілеріне қызмет көрсететін ұйымдар террористік сипаттағы ықтимал қауіптерге уақытылы ден қою мақсатында осы Нұсқаулыққа 5-қосымшада көрсетілген хабарлау схемасына сәйкес осы қауіп туралы хабардар етеді.
Объектідегі террористік сипаттағы ең ықтимал қауіп-қатерлерді, объект ерекшеліктерін (объект типі, қызметкерлері мен күзет қызметі субъектілері қызметкерлерінің саны, объектінің орналасқан орны) ескере отырып, объектіде осы Нұсқаулыққа 3-қосымшада көрсетілген террористік сипаттағы ықтимал қауіп-қатерлерге объект адамдарының әртүрлі топтарының әрекет ету алгоритмдері нақтыланады.";
43 мен 44-тармақтар мынадай редакцияда жазылсын:
43. Объектіні терроризмге қарсы күрес жөніндегі жедел штаб әртүрлі деңгейдегі терроризмге қарсы оқуларына, жаттығу іс-шараларына, Іс басқармасы объектісінің қызметкерлері мен күзет бөлімшелерінің іс-қимылдарын бағалауға тартқан жағдайда ұйымның басшысы, сондай-ақ күзет қызметтерін көрсету туралы шарт жасасқан күзет қызметі субъектісінің басшысы қажетті қызметкерлер топтарының аталған іс-шараларды өткізуге тартылуы мен қатысуын қамтамасыз етуге көмек көрсетеді.
44. Әртүрлі деңгейдегі терроризмге қарсы оқуларын, жаттығу іс-шараларын, Іс басқармасы объектісінің қызметкерлері мен күзет бөлімшелерінің іс-қимылдарын бағалауды өткізудің қорытындысы бойынша тиісті жоспарларға, кестелер мен алгоритмдерге тиісті өзгерістер мен толықтырулар енгізіледі.";
мынадай редакциядағы 46-1-тармақпен толықтырылсын:
46-1. Террористік сипаттағы қауіптің алдын алу мақсатында ұйым басшысы мынадай шараларды қабылдайды:
1) объектіні (ғимараттар мен құрылыстарды, олардың жекелеген конструктивтік элементтері мен инженерлік желілерін, аумағын) қарап тексеру жөніндегі іс-шараларды көрсететін егжей-тегжейлі нұсқаулықты бекітеді;
2) сеніп тапсырылған жұмыс учаскесіне жауапты адамның күнделікті аралап шығуын қамтамасыз етеді;
3) Қазақстан Республикасының терроризмге қарсы іс-қимыл саласындағы заңнамасының талаптарына сәйкес арнайы құрылған комиссиялардың айына кемінде бір рет объектінің ішкі және сыртқы жай-күйін қарап тексеруін ұйымдастырады;
4) террористік сипаттағы қауіпті тиісті журналда тіркеуді қамтамасыз етеді;
5) аралап шығу мен тексерудің нәтижелері бойынша террористік сипаттағы қауіптің алдын алу жөніндегі іс-шаралар жоспарын бекітеді;
6) шұғыл ден қою қызметтерін уақытылы хабардар етуді қамтамасыз етеді.";
47-тармақта:
бірінші абзац мынадай редакцияда жазылсын:
47. Іс басқармасының объектісі ұйымының басшысы террористік қауіптілік деңгейлерін белгілеу кезінде мынадай қауіпсіздік шараларын қамтамасыз етеді:";
1) тармақшада:
алтыншы және жетінші абзацтар мынадай редакцияда жазылсын:
қызметкерлермен терроризм актісінің (актілерінің) жасалу қаупі немесе жасалу кезіндегі іс-қимылдар бойынша нұсқама өткізу;
эвакуация орындарын айқындай отырып, адамдарды, материалдық құндылықтар мен құжаттаманы шұғыл эвакуациялау мәселелерін пысықтау;";
49-тармақтың екінші бөлігі мынадай редакцияда жазылсын:
Іс басқармасының объектілерінде паспортқа құпиялылық белгісі берілмесе, ол таратылуы шектелген қызметтік ақпаратты қамтитын құжат болып табылады және оның "Қызмет бабында пайдалану үшін" деген белгісі болады. Паспортқа құпиялылық белгісін беру туралы шешім Қазақстан Республикасының мемлекеттік құпияларды қорғау саласындағы заңнамасына сәйкес қабылданады. Ұйым басшысы паспортқа оны әзірлеуге қатысуға, объектінің терроризмге қарсы қорғалуын қамтамасыз етуге, объектілердің терроризмге қарсы қорғалу жай-күйін бақылауға, терроризмге қарсы күрес жөніндегі жедел штабтың қызметіне тартылмаған адамдарға қол жеткізуді шектеу жөнінде шараларды қабылдайды.";
51-тармақ мынадай редакцияда жазылсын:
51. Паспорт Қазақстан Республикасы Ішкі істер министрінің 2023 жылғы 14 маусымдағы № 481 және Қазақстан Республикасы Ұлттық қауіпсіздік комитеті төрағасының 2023 жылғы 26 маусымдағы № 51/қе бірлескен бұйрығымен бекітілген Террористік тұрғыдан осал объектілердің терроризмге қарсы қорғалуының үлгілік паспортына сәйкес (Нормативтік құқықтық актілерді мемлекеттік тіркеу тізілімінде № 32950 болып тіркелген) (бұдан әрі – үлгілік паспорт) электрондық нұсқасын қатар әзірлей отырып, екі данада жасалады.";
53-тармақтың бірінші бөлігі мынадай редакцияда жазылсын:
53. ҚР МКҚ күзететін объектіні қоспағанда, Іс басқармасының объектісі паспортының жобасы ҚР ІІМ бөлімшелерімен келісіледі. ҚР МКҚ күзететін объект паспортының жобасы ҚР МКҚ-мен келісіледі.";
59-тармақ мынадай редакцияда жазылсын:
59. Паспорттың екінші данасы электрондық нұсқасымен (электрондық ақпарат тасығышта PDF форматында) бірге бекітілген немесе түзетілген күнінен бастап күнтізбелік 10 (он) күннен кеш емес мерзімде сақтау үшін жіберіледі:
ҚР МКҚ күзететін объектілерді қоспағанда, Іс басқармасының объектілері үшін ҚР ІІМ аумақтық бөлімшелеріне;
ҚР МКҚ күзететін Іс басқармасының объектілері үшін ҚР МКҚ-ға.";
64 мен 65-тармақтар мынадай редакцияда жазылсын:
64. Терроризм актісін жасаудың ықтимал салдарын және инженерлік-техникалық жабдыққа қойылатын сараланған талаптарды айқындауды ескере отырып, объектілердің мынадай топтары белгіленеді:
1) Іс басқармасының бірінші топтағы объектілері – ҚР МКҚ күзететін объектілер;
2) Іс басқармасының екінші топтағы объектілері – ҚР ІІМ бөлімшелері күзететін объектілер;
3) Іс басқармасының үшінші топтағы объектілері – жеке күзет ұйымдары күзететін объектілер;
4) Іс басқармасының төртінші топтағы объектілері – 200 (екі жүз) және одан көп келушінің болуына есептелген, стационарлық медициналық көмек пен санаторийлік-курорттық қызметтер көрсетуге арналған объектілер;
5) Іс басқармасының бесінші топтағы объектілері – 100 және одан көп орынға есептелген мектепке дейінгі білім беру объектілері.
65. Іс басқармасының объектілері осы тараудың 64-тармағында көрсетілген топтар бойынша бөлінуіне қарамастан бейнебақылау, хабарландыру, өрт сигнализациясы жүйелерімен жарақтандырылады.";
66-тармақтың бірінші бөлігі мынадай редакцияда жазылсын:
66. Іс басқармасының объектілерінің бейнебақылау жүйелері Қазақстан Республикасы Ұлттық қауіпсіздік комитеті төрағасының 2020 жылғы 27 қазандағы № 69-қе бұйрығымен бекітілген Ұлттық бейнемониторинг жүйесінің жұмыс істеу қағидаларында (Нормативтік құқықтық актілерді мемлекеттік тіркеу тізілімінде № 21693 болып тіркелген) (бұдан әрі – Қағидалар) қарастырылған тәртіппен және шарттарда Ұлттық бейнемониторинг жүйесіне қосылуға жатады.";
82-тармақ мынадай редакцияда жазылсын:
82. Іс басқармасының объектілері күзет қызметкерлері мен объектінің инженерлік желілерді пайдаланатын қызметкерлері арасында ақпаратпен алмасу және іс-қимылдарын үйлестіру үшін радиобайланыс құралдарымен жабдықталады.";
84-тармақ мынадай редакцияда жазылсын:
84. Кіруді бақылау және басқару құралы өткізу және объектішілік режимді ұйымдастыру тәртібінде айқындалған кіру аймақтарын ескере отырып, объектінің аумағына және оның бір бөлігіне қызметкерлердің, объектіге келушілердің кіруін қамтамасыз етуі тиіс.";
88-тармақ мынадай редакцияда жазылсын:
88. Объектіні террористік тұрғыдан осал объектілер тізбесіне енгізгеннен кейін 6 ай ішінде инженерлік-техникалық жабдықпен жабдықтау мүмкін болмаған жағдайда, ұйым басшысы Іс басқармасының объектісін жарақтандыруға бюджет қаражатын жоспарлау үшін шаралар қабылдайды, ал терроризмге қарсы комиссияға Іс басқармасының объектісін инженерлік-техникалық жарақтандыру жөніндегі іс-шаралар жоспарының жобасын келісуге ұсынады.";
1-қосымшада:
тақырып мынадай редакцияда жазылсын:
Іс басқармасының объектілеріне кіргізуге (әкелуге) тыйым салынған заттар мен нәрселердің тізбесі";
4-тармақтың екінші бөлігі мынадай редакцияда жазылсын:
Бұл тармақ Іс басқармасының объектісі ұйымының басшысы ресми шақырған бұқаралық ақпарат құралдарының өкілдеріне қолданылмайды.";
2-қосымшаның 1-тармағының 4) тармақшасы мынадай редакцияда жазылсын:
4) Іс басқармасы объектілерінің әртүрлі адамдары топтарының террористік сипаттағы ықтимал қауіп-қатерлерге қатысты іс-қимылдары алгоритмдерін белгілеу және олармен жалпы танысу.";
3-қосымшада:
тақырып мынадай редакцияда жазылсын:
Іс басқармасының объектілеріндегі қызметкерлердің террористік сипаттағы ықтимал қауіп-қатерлерге қатысты іс-қимылдары алгоритмі";
1-тармақтың бірінші бөлігі мынадай редакцияда жазылсын:
1. Осы Іс басқармасының объектілеріндегі қызметкерлердің террористік сипаттағы ықтимал қауіп-қатерлерге іс-қимылдарының алгоритмі терроризм актісін жасау қаупі туындаған жағдайда Іс басқармасының объектілерінің жұмыс істеуінің тұрақтылығын арттыру жөніндегі іс-шараларды басқару мақсатында әзірленді және олардың алдын алуға бағытталған.";
2-тармақтың бірінші бөлігі мынадай редакцияда жазылсын:
2. Терроризм актісі жасалған жағдайда ұйымдардың басшылары мен қызметкерлері жасалған терроризм актісі туралы Іс басқармасының басшылығына, құқық қорғау және арнайы органдарға дереу хабарлайды және объектідегі адамдарды эвакуациялауды қамтамасыз етеді.";
2-тараудың тақырыбы мынадай редакцияда жазылсын:
2-тарау. Ғимаратта немесе оның аумағында терроризм актісін жасау қаупі туындаған кезде Іс басқармасының объектілеріндегі қызметкерлердің іс-қимылдары";
6-тармақтың екінші абзацы мынадай редакцияда жазылсын:
Іс басқармасының басшылығына;";
12-тармақ мынадай редакцияда жазылсын:
12. Ұйымға ақпараттық-коммуникациялық технологиялар (бұдан әрі – АКТ) арқылы келіп түскен, салынған жарылғыш құрылғылар, адамдарды кепілге алу, бопсалау, қорқытып алу туралы ақпаратты қамтитын кез келген хабарлама назардан тыс қалмауға тиіс.
АКТ арқылы ақпарат алған адам осы ақпараттың бақылаусыз таралуын болдырмау мақсатында оған және оның мазмұнына қол жеткізуді шектеу жөнінде шаралар қабылдайды.
АКТ арқылы ақпарат алынған кезде оны алған адам хабарлау схемасына сәйкес террористік сипаттағы ықтимал қауіп туралы дереу хабардар етеді.";
21-тармақтың он бесінші абзацы мынадай редакцияда жазылсын:
егер мүмкіндік болса, есіктер мен терезелердің ойықтарынан алыс болу қажет.";
3-тараудың тақырыбы мынадай редакцияда жазылсын:
3-тарау. Іс басқармасының объектілерінде және олардың аумағында терроризм актілерінің алдын алу жөніндегі практикалық іс-шаралар";
осы бұйрыққа қосымшаға сәйкес 5-қосымшамен толықтырылсын.
2. Қазақстан Республикасы Президенті Іс басқармасының ведомстволық қарасты ұйымдарды басқару жөніндегі бөлімі заңнамада белгіленген тәртіппен:
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты ресми жарияланғаннан кейін Қазақстан Республикасы Президенті Іс басқармасының интернет ресурсында орналастыруды қамтамасыз етсін.
3. Осы бұйрықтың орындалуын бақылау Қазақстан Республикасы Президенті Іс басқармасы аппаратының басшысына жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасы Президенті Іс басқарушысы |
А. Нурпеисов |
КЕЛІСІЛДІ"
Қазақстан Республикасы
Мемлекеттік күзет қызметі
КЕЛІСІЛДІ"
Қазақстан Республикасы
Ұлттық қауіпсіздік комитеті
КЕЛІСІЛДІ"
Қазақстан Республикасы
Ішкі істер министрлігі
|
|
2024 жылғы 29 тамыздағы |
|
|
Қазақстан Республикасы |
|
|
"Бекітемін" |
Қазақстан Республикасы Президенті Іс басқармасының объектілерінде террористік сипаттағы ықтимал қауіптер туралы хабарлау схемасы
|
Р/с № |
Іс-қимылдар |
Уақыт |
|
1 |
2 |
4 |
|
1 |
Террористік сипаттағы қауіп туралы ақпарат алған адам: - өзінің тікелей басшысына, ал ол уақытша болмаған жағдайда оны алмастыратын адамға; - Қазақстан Республикасы Президенті Іс басқармасының (бұдан әрі – Іс басқармасы) объектісінде орналасқан ұйым басшысына дереу хабарлайды. |
2 минутқа дейін |
|
2 |
Іс басқармасының объектісінде орналасқан ұйымның басшысы: - объектіге қызмет көрсететін ұйымның (бұдан әрі – қызмет көрсететін ұйым) кезекшісіне (немесе диспетчеріне) дереу хабарлайды. |
|
|
3 |
Қызмет көрсететін ұйымның кезекшісі: - қызмет көрсететін ұйымның тиісті қызметінің бастығына / диспетчеріне; - 110, 101, 102, 103 телефон номерлері арқылы тиісті шұғыл ден қою қызметтеріне дереу хабарлайды. |
2 минутқа дейін |
|
4 |
Тиісті қызметтің бастығы / диспетчер: - басшының жетекшілік ететін орынбасарына және қызмет көрсететін ұйым басшысына дереу хабарлайды; - тиісті шұғыл ден қою қызметтерін шақыруды бақылайды. |
2 минутқа дейін |
|
5 |
Қызмет көрсететін ұйымның басшысы не оны алмастыратын адам террористік сипаттағы қауіп туралы ақпарат бойынша қалыптасқан жағдай, сондай-ақ терроризм актісіне жол бермеу жөнінде қабылданған шаралар туралы Іс басқармасына: - Қазақстан Республикасы Президенті Іс басқарушысының жетекшілік ететін орынбасарына; - Іс басқармасы аппаратының басшысына; - Іс басқармасының ведомстволық қарасты ұйымдарды басқару жөніндегі бөлімінің меңгерушісіне және осы бөлімнің жетекшілік ететін бас инспекторларына дереу хабарлайды. |
2 минутқа дейін |
|
6 |
Қазақстан Республикасы Президенті Іс басқарушысының орынбасары, Іс басқармасы аппаратының басшысы Қазақстан Республикасы Президентінің Іс басқарушысына хабарлайды. |
2 минутқа дейін |
Ескертпе:
1. Көрсетілген схемадағы лауазымды адамдардың біреуі болмаған жағдайда схемадағы келесі лауазымды адамға хабарланады.
2. Хабарлау схемасы қолжетімді жерде орнатылады және хабарлау схемасындағы жоғары тұрған буындар туралы ақпаратты және шұғыл қызметтердің байланыс деректерін қамтиды.
3. Террористік сипаттағы қауіп туралы хабарлама беру уақытын қызмет көрсетуші ұйымның кезекшісі нөмірленген, тігілген және Іс басқармасының объектісіне қызмет көрсететін ұйымның мөрімен бекітілген террористік сипаттағы қауіпті немесе терроризм актісінің туындауын тіркеу журналында дереу тіркейді.
Журнал объектінің тиісті қызметінің бастығында немесе диспетчерлік қызмет бар болса диспетчерінде арнайы бөлінген, қолжетімді жерде сақталады.
Журналды террористік сипаттағы қауіп анықталуына немесе терроризм актісінің туындауына қарай аралап шығуды немесе қарап тексеруді жүзеге асыратын қызметкерлер толтырады.
4. Іс басқармасының объектісіне қызмет көрсететін ұйымның басшысы террористік сипаттағы қауіп немесе терроризм актісі туындаған күнінен бастап үш жұмыс күні ішінде Іс басқармасына жазбаша түрде (оның ішінде жағдайдың сипатын, қауіптің немесе терроризм актісінің туындау себептерін, қабылданған шараларды көрсете отырып) хабарлайды.