Құрметті әріптестер!
Бүгін біз баршамызға ортақ мереке – Алғыс айту күнін атап өтудеміз. Осындай айтулы күнде әрбір ұлыс бір-біріне, сонымен қатар қиын-қыстау заманда көптеген жер ауып келген жандарды қабылдаған қазақ халқына алғыстарын білдіріп жатады. Бүкіл қазақстандықтар үшін 1 наурыз әр ұлт өкілдерінің мығым достығы мен ынтымағын арттыратын мереке болып отыр.
Біздің Тәуелсіздігіміз, жетістіктеріміз бен тұрақтылығымыз халқымыздың бірлігінің арқасында екені белгілі. Сондықтан, өзара сыйластық пен қонақжайлылық әрқайсысымыз үшін алдыңғы орында деп білемін.
Елімізге бейбітшілік және халқымызға игілік тілеймін!
Ізгі тілекпен, Ерлан Баттаков
