Конституция күні қарсаңында ҚР Президентінің Іс басқармасында Ата заңымыздың мәні мен маңыздылығы туралы айтылды.
Салтанатты жиынды Іс Басқарушының бірінші орынбасары Ерлан Баттақов ашты. «Біздің Елбасы Конституцияны «ұрпақ ауысса да ескірмейтін құндылықтар жинағы» деп атады» және еліміздің негізгі заңында мемлекет пен азаматтың табысты дамуына қолайлы барлық құқықтық құралдар бар» - деп атап өтті ол.
Іс-шараның құрметті қонағы – профессор, заң ғылымдарының докторы, академик Игорь Рогов жиналғандарға еліміздің құқықтық дамуында бүгінгі күні пайда болған заң үстемдігінен құқық үстемдігіне өту туралы жаңа үрдістерді айтты. Сонымен қатар, Қазақстанда өткен президент өкілеттігінің бөлігін биліктің басқа да тармағына беру жөніндегі конституциялық реформаларға халықаралық қоғамдастықтың жоғары баға бергенін де тілге тиек етті. Игорь Рогов көпшілікті Конституция күнімен құттықтап, аман-саулық пен табыс тіледі.
Салтанатты жиында Президенттің Телерадиокешені Конституцияның 23 жылдығына арнайы әзірлеген «Тұрақтылық формуласы және жасампаздық» тақырыбындағы фильмі алғаш рет көрсетілді. Бірқатар қызметкерлерге Қазақстан Республикасы Президентінің Іс басқарушысы Абай Бисембаевтың Алғысы табысталды.
