Қазақстан Республикасының Тәуелсіздік күніне орай Қазақстан Республикасы Президентінің Іс басқармасында Іс Басқарушы Абай Бисембаевтың төрағалығымен салтанатты жиналыс өтті деп хабарлайды ҚР Президенті Іс басқармасының баспасөз қызметі.
Іс-шараны ашу кезінде Іс Басқарушы Тәуелсіздік күні әрбір қазақстандық үшін орны ерекше мереке екенін және жаңа мемлекеттің қалыптасуы мен даму жолы әр қазақстандық отбасына қатысты екенін айтып кетті.
Абай Бисембаев «Жаңа тәуелсіз мемлекетті құру жолында қиын кезеңнен өттік. Еліміздің қалыптасу тарихы серпінді, ілгерілемелі әлеуметтік – экономикалық және мәдени даму жолында екенін көрсетті. Қазақстанның қалыптасу мен даму жолындағы жетістіктерінің барлығы еліміздің Тұңғыш Президенті, Ұлт Басшысы Нұрсұлтан Әбішұлы Назарбаевтың атымен тығыз байланыста және оның салиқалы саясатының жемісі деп білеміз», - деп баса айтты.
Іс – шараға құрылымдық бөлімшелердің және ҚР Президенті Іс басқармасына ведомстволық қарасты ұйымдардың жетекшілері қатысты.
Жиналыс барысында Іс Басқармасының бір топ қызметкерлері жоғары наградалармен марапатталды.
«Құрмет» орденімен «Бүркіт» мемлекеттік авиакомпаниясы» РМК ұшу қызметінің ұшқышы – нұсқаушысы Ж. Бекеев, «Қараөткел» РМК директорының орынбасары А. Канцев, «Медициналық орталықтың ауруханасы» РМК бас дәрігерінің бірінші орынбасары С. Кисикова, «Мемлекеттік резиденциялар дирекциясы» РМК директорының орынбасары Н. Тұяшев, «Қазақстан Республикасы
Президентінің Әкімшілігі мен Үкіметінің әкімшілік ғимараттары дирекциясы» РМК технигі Ғ. Тамабаев марапатталды.
«Ерен еңбегі үшін» медалімен Іс Басқармасы заң бөлімінің меңгерушісі А. Әмірғалиев, «Астана – Өнім» АҚ «Красноярка» мал шаруашылығы кешенінің басшысы А. Байсалбаев, «Бурабай» МҰТП «Қатаркөл» орманшылығының орманшысы Б. Ерғалиев, «Бүркіт» РМК директорының экономикалық мәселелер жөніндегі орынбасары Г. Ескендірова, «Қазақстан Республикасы Президентінің Телерадиокешені» КЕАҚ бейнеинженер-монтаждаушысы Е. Ибрагимов, Қазақстан Республикасы Парламенті Шаруашылық басқармасының басшысы Қ. Райханов, «Медициналық орталықтың Орталық клиникалық ауруханасы» РМК екінші соматика бөлімщесінің меңгерушісі Г. Спатаева, «Қазақстан Республикасы Президентінің Әкімшілігі мен Үкіметінің әкімшілік ғимараттары дирекциясы» РМК директорының орынбасары Б. Успанов, «Қазақстан Республикасы Парламенті Шаруашылық басқармасының Автошаруашылығы» РМК қызметкері Қ. Рахымжанов марапатталды.
«Шапағат» медалімен «Медициналық орталықтың ауруханасы» РМК бас кардиологы Ә. Жүсіпов марапатталды.
Сонымен қатар, Тәуелсіздік күні қарсаңында мемлекеттік қызметке алғашқы рет және жаңадан қабылданған қызметкерлердің салтанатты түрде ант беру рәсімі өткізіліп, Іс Басқармасының алдыңғы қатарлы қызметкерлері мен ардагерлерге «Қазақстан Республикасының Конституциясына 20 жыл» мерейтойлық медалі табысталды.
Бұдан басқа, Іс Басқармасының орталық аппараты мен ведомстволық қарасты ұйымдардың командалары арасында спорттың 6 түрінен ұйымдастырылған спартакиаданың қорытындылары шығарылды.
