Мемлекет Басшысы Қасым-Жомарт Тоқаев "Қазақ тілі" халықаралық қоғамының Х құрылтайында сөз сөйледі. Мемлекеттік тілді дамыту мен насихаттауға арналған іс-шараға жетекші тілтанушы ғалымдар, әдіскерлер, жазушылар мен қоғам қайраткерлері, сондай-ақ түрлі этностардың өкілдері, әлеуметтік желілерде қазақ тілді ортаны белсенді дамытатын танымал блогерлер мен цифрлық контент жасаушылар қатысты.
