Жаңа маусымда Қорғаныс министрлігі, Ішкі істер және Төтенше жағдайлар министрліктерінің 100 өкілдері бақ сынайды. Олардың қатарында Десанттық-шабуылдау әскерлері, Әуе қорғанысы күштері, Құрлық және Әскери-теңіз күштері, құтқарушылар мен арнайы бөлімшелер бар.
Екінші маусымның басты ерекшелігі-барлық сынақ ашық аспан астында, нағыз далалық жағдайда өтеді. Қатысушылар күш пен төзімділіктен бөлек, тәртібін, тактикалық ойлауын, командамен жұмыс істеу қабілетін де көрсетеді.
Бұл маусым бұрынғыдан да күрделі, әрі ауқымды болмақ. Түсірілім Бурабай маңындағы әскери оқу-жаттығу полигонында өтті. Оған 50-ден астам маман атсалысты.
«100 SARBAZ»- Қазақстандағы әскери-патриоттық ең ауқымды тележобалардың бірі. Қазақ сарбаздарының кәсібилігін, ерік-жігерін, батылдығы мен командалық рухын көрсететін жобаны «Jibek Joly» телеарнасынан тамашалаңыз!
