Шипажай-курорттық емдеудің заманауи әдістері, медициналық оңалту, аурулардың алдын алу және жаңа технологиялар. Алматыда өткен XI Халықаралық ғылыми-тәжірибелік «Шипажай-2026» форумында осы және өзге де мәселелер талқыланды. Іс-шараға Қазақстаннан және шетелден 300-ден астам ғалым, дәрігер, денсаулық сақтау саласының ұйымдастырушылары мен мамандары қатысты. Ұйымдастырушылардың арнайы шақыруымен форумға Almaty Resort директоры Гүлжанат Бугубаева және емдеу-оңалту жұмыстары жөніндегі директордың орынбасары Нұрдәулет Өмірбеков те қатысты.
Форумды Қазақстан Республикасының Денсаулық сақтау министрлігі мен Ұлттық ғылым академиясы ұйымдастырды. Екі күн бойы мамандар курортология саласындағы жаңа тәсілдерді талқылап, оңалту және цифрлық медициналық шешімдер бойынша семинарлар мен шеберлік сабақтарын өткізді. Сондай-ақ медициналық жабдықтар, фармацевтикалық өнімдер мен цифрлық технологиялар көрмесі ұйымдастырылды.
Almaty Resort үшін форумға қатысу жаңа әзірлемелермен танысып қана қоймай, курортология саласындағы өз тәжірибесін халықаралық сарапшылар қауымдастығымен бөлісуге мүмкіндік берді.
«Шипажай-2026» форумының маңызды алаңдарының бірі – мамандандырылған көрме болды. Мұнда қатысушылар денсаулық сақтау саласында енгізіліп жатқан медициналық жабдықтармен, фармацевтикалық өнімдермен және цифрлық шешімдермен танысты. Almaty Resort көрмеде шипажай-курорттық емдеу мен медициналық оңалту бағытындағы өз мүмкіндіктері мен тәсілдерін таныстырды.
«Мұндай іс-шаралар саланың қалай өзгеріп жатқанын көруге және әріптестермен тәжірибе алмасуға мүмкіндік береді. Біз үшін жаңа тәсілдерді бақылап қана қоймай, Almaty Resort жұмысында қазірдің өзінде қолданылып жүрген тәжірибелермен бөлісу де маңызды», – дейді емдеу-оңалту жұмыстары жөніндегі директордың орынбасары Нұрдәулет Өмірбеков.
Форум аясында шипажай-курорттық сала өкілдеріне Қазақстан Республикасы Денсаулық сақтау министрлігінің ведомстволық наградаларын табыстау рәсімі өтті. Almaty Resort директоры Гүлжанат Бугубаева денсаулық сақтау саласын дамытуға қосқан жеке үлесі мен адал еңбегі үшін ҚР Денсаулық сақтау министрлігінің Құрмет грамотасымен марапатталды. Грамотаны Денсаулық сақтау министрі Ақмарал Әлназарова табыстады.
Форумның іскерлік бағдарламасынан кейін қатысушылар Almaty Resort-қа барды. Сингапур, Ресей, Қытай, Қырғызстан, Грузия және Қазақстаннан келген сала өкілдері клиникалық шипажайдың аумағымен, медициналық блогымен, емдеу-сауықтыру инфрақұрылымымен және орналастыру жағдайларымен танысты. Қонақтар медициналық жабдықтар мен ем-шараларды көріп, емделуді демалыспен және дене белсенділігімен ұштастыратын курорт форматын бағалады.
Айта кетейік, Almaty Resort клиникалық шипажайының тарихы 1967 жылдан басталады. Ол Іле Алатауының бөктерінде, теңіз деңгейінен 1052 метр биіктікте орналасқан. Курорттың басты артықшылығы – медициналық ем-шараларды табиғат аясындағы демалыспен ұштастыруға мүмкіндік береді. Шипажай аумағы 21 гектарды алып жатыр. Мұнда жеке саябақ және ұзындығы 500, 1500 және 3000 метр болатын емдік серуендеуге арналған үш бағыт бар.
Санаторийде заманауи жабдықтармен қамтылған медициналық блок жұмыс істейді. Оның ішінде спа-капсула, вакуумдық терапия аппараты және жарықпен емдеуге арналған құрылғы бар. Қонақтарға диагностикалық және емдеу бағдарламалары, физиотерапия және түрлі қалпына келтіру процедуралары ұсынылады.
Бальнеотерапия бағдарламаларында минералды, көмірқышқылды, інжу және пант ванналары, сондай-ақ су астындағы душ-массаж қолданылады. Физиотерапиялық ем-шаралар қатарында электротерапия, магнитотерапия, жарықпен емдеу, лазерлік терапия және соққы толқынды терапия бар.
Сонымен қатар Almaty Resort-та балшықпен емдеу, ингаляция, галотерапия, массаж, рефлексотерапия, прессотерапия және криосауна процедуралары жүргізіледі.
Шипажайдағы емдеу шаралары жайлы демалыспен қатар үйлестірілген. Қонақтар бассейнге барып, жаттығу залын пайдалана алады, аумақта серуендеп, терренкур бағыттарымен жүре алады. Санаторийде күніне төрт мезгіл тамақтану ұйымдастырылған, сондай-ақ мәдени-ойын-сауық бағдарламалары жұмыс істейді.
