Қазақстан Республикасы Президенті Іс басқармасына қарасты ұйымдар «Таза Қазақстан» республикалық экологиялық акциясына қатысуды жалғастырып келеді.
Бұл жолы сенбілікке «Қазқұрылысжүйесі» ЖШС, Мемлекеттік резиденциялар дирекциясы және Қазақстан Республикасы Президентінің Телерадиокешенінің 100-ге жуық қызметкері қатысты.
Тазалық жұмыстары «Нұра» резиденциясына іргелес орналасқан Есіл өзенінің жағалауында ұйымдастырылды. Қатысушылар аумақты тұрмыстық қалдықтар мен қураған өсімдіктерден тазартты. Сенбілік қорытындысы бойынша 110 қап қоқыс шығарылды.
Президент Іс басқармасы жүйесінде экологиялық акциялар тұрақты түрде өткізіліп келеді. Бұл - аумақтардың тазалығын сақтау мен абаттандыруға бағытталған кешенді жұмыстардың маңызды бөлігіне айналған шара. Сонымен қатар, мұндай іс-шаралар экологиялық мәдениетті қалыптастырып, қоршаған ортаға жауапкершілікпен қарауды насихаттауға ықпал етеді.
