Шипажай осыдан аз уақыт бұрын көпшілікке тек ем-дом жасалатын, тыныш әрі көбіне үлкен кісілерге арналған демалыс орны ретінде көрінетін. Алайда бүгінде заманауи шипажайлар мүлде жаңа деңгейге көтерілді. Қазір олар денсаулықты қалпына келтіруді, жайлы демалысты және балалар мен ересектерге арналған ойын-сауықты қатар ұсынатын толыққанды отбасылық курорт саналады.
Дәл осындай форматты Ессентуки қаласындағы «Қазақстан» шипажайы ұсынады. Мұнда демалыс «әр отбасы мүшесіне пайдалы болуы керек» деген қағидамен ұйымдастырылған.
Ересектер емдік-сауықтыру процедураларынан өтіп жатқанда, балалар да назардан тыс қалмайды. 4 жастан асқан балаларға иммунитетті нығайтуға, тыныс алу және ас қорыту жүйесі ауруларының алдын алуға, сондай-ақ дұрыс дене бітімін қалыптастыруға бағытталған арнайы бағдарламалар әзірленген. Бұған қоса, курорттың табиғи ерекшеліктері де зор әсер береді: аумағы 7,7 гектар болатын үлкен саябақ, фитонцидтерге бай таза ауа және әйгілі «Ессентуки-4» пен «Ессентуки-17» минералды сулары.
Мұнда ата-аналардың жайлылығына да ерекше көңіл бөлінген. Процедура кезінде баланы тәрбиешісі бар балалар клубына қалдыруға болады. Онда ойындар, шығармашылық сабақтар мен шеберлік сағаттары өткізіледі. Ал кішкентай қонақтар үшін әткеншек, сырғанақ және құмсалғыш орнатылған ойын алаңы жабдықталған.
Отбасылардың сүйікті демалыс орындарының бірі қазақтың киіз үйі стилінде безендірілген үлкен бассейн. Ересектерге арналған кең жүзу аймағы және балаларға арналған тереңдігі 0,7 метр болатын қауіпсіз жеке бөлік қарастырылған.
Сондай-ақ қонақтарға спорт алаңдары, тренажер залы, үстел теннисі, бильярд және америкалық пул қолжетімді. Киноконцерт залында фильмдер мен концерттік бағдарламалар тұрақты түрде ұйымдастырылып тұрады. Сондықтан кешкі уақытта да бүкіл отбасы бірге қызықты уақыт өткізе алады.
Бүгінде санаторийдегі отбасылық демалыс – «пайдалы» мен «қызықтының» арасынан таңдау жасау емес. Заманауи шипажайлар ата-аналардың күш-қуатын қалпына келтіруге, балалардың белсенді әрі қауіпсіз демалуына және бүкіл отбасының бірге тынығуына барлық жағдай жасап отыр.
