Сыбайлас жемқорлыққа қарсы заңнаманы жетілдіру мемлекеттік басқару тиімділігін арттырудың және мемлекеттік органдар қызметінің ашықтығын қамтамасыз етудің негізгі шарттарының бірі болып табылады. Қазіргі жағдайда сыбайлас жемқорлық тәуекелдерінің алдын алуға бағытталған жүйелі құқықтық реттеуді қалыптастыру ерекше маңызға ие. Бұл туралы Парламентаризм институты Сот жүйесі және құқық қорғау органдары орталығының бас маманы Серік Қаржаубаев атап өтті.
Сарапшының пікірінше, басым бағыттардың бірі – шешім қабылдау рәсімдерінің ашықтығын арттыру және тиімді бақылау тетіктерін дамыту. Бұл құралдарды күшейту сыбайлас жемқорлық көріністерін азайтуға және қоғамның сенімін арттыруға мүмкіндік береді.
Заңнамалық жаңашылдықтардың практикалық тұрғыда іске асырылуына ерекше назар аударылады. Бұл тек нормаларды формалды бекітумен шектелмей, оларды тиімді жүзеге асыру тетіктерін қалыптастыруды, құқық қолдану тәжірибесінің сапасын арттыруды және мемлекеттік органдар жұмысының нәтижелілігін күшейтуді көздейді.
Сыбайлас жемқорлыққа қарсы саясатты дамытудағы кешенді тәсіл мемлекеттік басқару жүйесінің тұрақтылығын қамтамасыз етіп, ашық институционалдық ортаны қалыптастыруға және құқық үстемдігі қағидаттарын нығайтуға ықпал етеді.
Сурет АҚмЗСЖҚХБ
