ПІБ қарасты ұйымдардың қызметкерлері «Таза Қазақстан» экологиялық акциясын жүзеге асыруға қатысуды жалғастыруда.
Бүгін Медициналық орталықтың ауруханасы, Ұлттық госпиталь және Әкімшілік ғимараттар дирекциясының 175 қызметкері Астана және Алматы қалаларындағы бекітілген аумақтарда өткен сенбілікке қатысты.
Астанада қатысушылар «Менің атым Қожа» ескерткіші маңындағы Жетісу саябағында, сондай-ақ Медициналық орталық ауруханасының аумағында санитарлық тазалық жұмыстарын жүргізді; Алматыда жұмыстар Алматы ауыр машина жасау зауытының аумағында өтті.
Сенбілік аясында қызметкерлер 170-тен астам қап қоқыс жинап, аумақты қураған өсімдіктерден тазартты, абаттандыру жұмыстарын жүргізіп, ағаш отырғызды.
«Таза Қазақстан» акциясы аясындағы экологиялық іс-шаралар Президент Іс басқармасы тарапынан тұрақты негізде өткізіліп келеді.
