Қазақстан Республикасы Президентінің Іс басқармасы қызметкерлері «Таза Қазақстан» жалпыұлттық жобасын іске асыруды жалғастыра отырып сенбілікке шықты. Іс-шараға орталық аппараттың және ведомствоға қарасты ұйымдардың 200-ден астам қызметкері қатысты.
«Мөлдір бұлақ» бастамасы аясында Есіл - Нұра арнасы бойындағы аумақты тұрмыстық қалдықтардан санитарлық тазарту және жалпы тазалау жұмыстары жүргізілді. Барлығы 300-ден астам қап қоқыс жиналды.
Қоршаған ортаға қамқорлық жасау Іс басқармасы жүйесінің экологиялық коды болып табылады және алдағы уақытта экологиялық мәдениетті арттыруға, табиғатқа ұқыпты қарауға, қоғамдық аумақтардың санитарлық жағдайын жақсартуға, азаматтарымыздың серуендеуі мен демалысы үшін қолайлылық пен қауіпсіздік деңгейін арттыруға бағытталған іс-шаралар жүйелі негізде өткізілетін болады.
