Қазақстан Республикасы Президентінің Іс басқармасы Медициналық орталығының Ұлттық госпиталінде медицина қызметкерлерінің менталдық денсаулығын қолдауға және кәсіби күйзелісінің алдын алуға бағытталған арнайы іс-шара өтті.
Ұлттық Госпиталь психологы Мәншүк Құрманбековамен өткен ашық сұхбат форматында дәрігерлер мен орта буын медицина қызметкерлерінің психологиялық жағдайының өзекті мәселелері, сондай-ақ қазіргі медицинадағы кәсіби жүктеменің ерекшеліктері талқыланды.
Кездесудің негізгі мақсаты ұжымның кәсіби қажуы туралы хабарын арттыру және психологиялық өзін-өзі қолдау дағдыларын дамыту болды. Сұхбат барысында атап өтілгендей, медицина қызметі күн сайынғы жоғары жауапкершілікпен, сондай-ақ жоғары эмоционалдық және физикалық жүктеме жағдайында жедел әрі күрделі шешімдер қабылдау қажеттілігімен сипатталады.
Психологтың айтуынша, пациенттермен және әріптестермен тұрақты қарым-қатынас, сондай-ақ қарқынды жұмыс кестесі тұрақты психоэмоционалдық шиеленіс қалыптастырады. Көп жағдайда мамандарда жинақталған шаршау, ұйқының бұзылуы және мазасыздық деңгейінің жоғарылауы байқалады.
Маман ұзаққа созылған күйзелістің тек эмоционалдық емес, физикалық жағдайға да әсер ететінін атап өтті. Ең жиі кездесетін белгілердің қатарында бұлшықет кернеуі, ұйқысыздық және өмірлік тонустың төмендеуі бар. Осыған байланысты Госпиталь қызметкерлеріне еңбек пен демалыс режимін қатаң сақтау, дене белсенділігін қолдау және қажет болған жағдайда кәсіби психологиялық көмекке уақтылы жүгіну ұсынылды.
Психолог сондай-ақ шаршауды әлсіздік белгісі ретінде қабылдамау керектігін атап өтті. Бұл – ағзаның ішкі ресурстарды қалпына келтіру қажеттігін білдіретін табиғи реакция.
Ұлттық госпитальде қызметкерлердің психологиялық денсаулығын сақтау бағытында кешенді шаралар жүйелі түрде жүзеге асырылуда.
