2013 жылғы 26 қазанда корпоративтік рухты нығайту және ұжым қызметкерлері арасында бейресми қарым-қатынасты қолдау үшін
ҚР Президентінің Іс басқармасы мен оның ведомстволық қарасты ұйымдарының командалары арасында бильярдтан және шахматтан турнирлер өтті.
Бильярд турнирінде құрметті бірінші орынды «Сарыарқа» кешенді даму орталығы» МҚ командасы жеңіп алып, екінші және үшінші орындарды «Бүркіт» мемлекеттік авиакомпаниясы» РМК мен «ҚР Президентінің Іс басқармасы» ММ командалары алды.
«Әдемі ойын» номинациясы бойынша Б.Х. Сүйіндіков жеңді, ал «Үздік ойыншы» атағына Э.З.Насиров ие болды.
Шахмат турнирінде «Қазақстан Республикасы Президенті Іс басқармасының Автошаруашылығы» РМК командасы жеңіске жетті, екінші орынды «Бурабай» МҰТП» ММ алды, ал үшінші орынға «Қазақстан Республикасы Парламентінің Шаруашылық басқармасы» ММ ие болды. Үздік шахматшы болып Е.З. Жүсіпов танылды.
