Диоксиндер мен полихлорланған бифенилдер сияқты тұрақты химиялық ластағыштар топырақта, суда, ауада және азық-түлік тізбегінде жинақталып, уақыт өте келе адам денсаулығына және экожүйелердің жай-күйіне біртіндеп әсер етеді. Бұл заттар жоғары төзімділігімен ерекшеленіп, қолдану тоқтатылғаннан кейін де қоршаған ортада жылдар бойы сақталуы мүмкін.
Ластағыштардың шығу көздері әртүрлі: өндірістік процестер, қалдықтарды өртеу, сондай-ақ пайдаланылған ескі жабдықтар мен материалдар. Су, ауа және тағам өнімдері арқылы ағзаға түскен диоксиндер адам мен қоршаған орта үшін қауіп төндіреді.
Осындай қатерлерді дер кезінде анықтау үшін тұрақты зертханалық мониторинг қажет. Қазіргі заманғы әдістер бұл заттардың ең төмен концентрацияларын да анықтауға, олардың жинақталу динамикасын бағалауға және тәуекелдерді төмендету бойынша уақтылы шаралар қабылдауға мүмкіндік береді.
Қазақстанда бұл бағыттағы жұмыстар ЦСЭЭ жанындағы Медициналық орталықтың Референс-зертханасында жүргізіледі. Зертхана ел аумағында химиялық қауіпсіздікті жүйелі бақылауды қамтамасыз етіп, экологиялық тұрақтылықты сақтауға үлес қосады.
Толығырақ https://dauletten.kz/
