«Қарлығаш» балабақшасында балалардың сөйлеу дағдыларын дамытуға арналған заманауи тәсілдер кеңінен қолданылып келеді. Бұл туралы инклюзивті білім беру маманы Айжан Жарылқапова айтып берді.
Оның айтуынша, соңғы уақытта ата-аналар тарапынан сөйлеудің кешеуілдеуіне байланысты өтініштер жиілеген. Сол себепті балабақшада классикалық логопедиялық әдістер нейросенсорлық тәсілдермен толықтырылып, баланың зейіні, есте сақтауы, сенсорлық интеграциясы және коммуникация қабілеттері қатар дамытылады.
Оқыту барысында сенсорлық маршруттар, тактильді панельдер, тыныс алу жаттығулары және ұсақ моториканы дамытуға арналған ойындар қолданылады. Әр бала үшін дербес бағдарлама әзірленеді.
Назар аударуды қажет ететін белгілер қатарында нұсқаулықтарды түсінбеу, көзбен байланыс орнатудың қиындығы, сөздердің орнына қайталанатын қимылдар, шуға шамадан тыс реакция, коммуникацияның ымдау деңгейінде қалуы бар. Мамандарға ерте жүгіну баланың дамуын дер кезінде түзетуге мүмкіндік береді.
Айжан Жарылқапова ата-аналарға балалармен жиі сөйлесуді, күнделікті әрекеттерді сөйлей отырып орындауды және гаджеттерді шектеуді ұсынады. Отбасы мен мамандардың бірлескен жүйелі жұмысы жедел нәтиже береді.
Балалардың тезірек «сөйлеуіне» көмектесетін әдістер мен мамандар тәжірибесінде тиімділігін дәлелдеген тәсілдер туралы толығырақ BAQ.KZ сайтынан оқи аласыздар https://el.kz/
