Ж. Үшкемпіров атындағы жекпе-жек сарайында өткен турнирге ҚР ПІБ ведомстволық және ведомстволық бағынысты ұйымдарының қызметкерлері қатысты.
Қазақ күресі қауымдастығының қатысуымен ұйымдастырылған турнирде 82 келіге дейін және 82 келіден жоғары салмақ дәрежесіндегі спортшылар бақ сынады.
Турнир қорытындысы бойынша 82 келіге дейінгі салмақ дәрежесінде ҚР Президенті Телерадиокешенінің қызметкері Нұрболат Құлманов, Материалдық-техникалық қамтамасыз ету басқармасы қызметкері Ернұр Тұрсын және Медициналық орталық Ауруханасының қызметкері Медет Маханбет жүлделі орындарға ие болды. 82 келіден жоғары салмақ дәрежесінде ҚР ПІБ «ҚР Президентінің Әкімшілігі мен Үкіметінің әкімшілік ғимараттары дирекциясы»қызметкерлері Есен Түгелбай (1-орын), Аман Түгелбай (3-орын) және «Мемлекеттік резиденциялар дирекциясы» қызметкері Жансерік Қыдырбай (2-орын) жеңімпаз атанды.
Толығырақ Қазинформ сайтынан оқи аласыздар https://kaz.inform.kz/
