«Саябақтар маршы-2013» халықаралық табиғатты қорғау акциясының аясында 2013 жылы 20 мамыр күні Оқжетпес поселкесінің Мәдениет үйінде концерттік бағдарлама ұйымдастырылды.
Аталмыш концертке Ақмола облысы Бурабай және Еңбекшілер ауданының білім беретін түрлі мекемелерінің оқушылары, сондай-ақ Экология және орман шаруашылығы колледжінің студенттері қатысты.
«Бурабай» МҒӨК директоры Еркебаев Ерболат Төлегенұлы құттықтау сөзін сөйлей отырып, жеңімпаздар мен «Табиғатты қорғауға арналған ең тамаша аншлаг» атты сурет салу конкурсының қатысушыларына мадақтама сыйлықтарын табыс етті. Сонымен қатар, белсенділігімен танылған білім орталықтары мақтау қағаздарымен марапатталды.
Конкурсқа білім беретін 25 мекеменің жүзден астам оқушылары қатысты. Айтылған әндер, тамаша билер мен қойылған видеороликтер табиғатқа ұқыпты қарауға шақырды.
«Бурабай» МҒӨК аймағында алдағы екі ай мерзімінде «Саябақтар маршы-2013» атты акция өтетіндігін естеріңізге саламыз. Өткізіліп отырған шаралар табиғаты аса қорғалған аймақтарды қорғауға арналып отыр.
