Медициналық технологиялар және ақпараттық жүйелер орталығында (МТАЖО) «Қаржы мәдениеті: тұрақты өмірге бастар жол» атты оқыту семинары өтуде.
Бұл бастама қаржылық мәдениетті дамытуға және жеке қаражатты басқарудың практикалық дағдыларын жетілдіруге бағытталған.
Қатысушылар бюджет құруды, шығындарды бақылауды, жиі кездесетін қателіктерден сақтануды, сондай-ақ жинақтау мен инвестиция үшін заманауи құралдарды пайдалануды үйренеді. Оқыту форматы теория мен тәжірибені ұштастырады, бұл алған білімді өмірде бірден қолдануға мүмкіндік береді.
Қаржылық сауат – Президент Қасым-Жомарт Тоқаевтың Жолдауында атап өтілген маңызды бағыттардың бірі. Мемлекет басшысы жоғары деңгейлі қаржылық мәдениеті бар тұрақты қоғам қалыптастырудың қажеттігін ерекше атап көрсеткені белгілі.
Осы орайда, МТАЖО семинары қатысушыларға бюджетті жоспарлау, «қауіпсіздік жастығын» жасау және қаржылық шешімдерді терең пайыммен қабылдау сынды пайдалы дағдыларды қалыптастыруға көмектеседі.
Толығырақ InAstana сайтынан оқи аласыздар https://www.inastana.kz
