Биыл алғаш рет 15 қыркүйекте Қазақстанда алғаш рет санитарлық-эпидемиологиялық қызмет мамандарының күні атап өтіліп жатыр. Кәсіби мерекеге орай, ҚР Медициналық орталығының Санитарлық-эпидемиологиялық сараптама орталығының басшысы, 25 жылдық еңбек өтілі бар белгілі дәрігер-эпидемиолог Сауле Шәріпова Kazinform тілшісіне сұхбат берді.
— Бұл біз үшін өте маңызды әрі көптен күткен оқиға. Тәуелсіздік алғаннан бергі жылдарда біз алғаш рет өз мамандығымызға арналған ресми күнге ие болдық. Бұл – жиі көзге көрінбейтін еңбегіміздің мойындалуы. Бұл күні біз пандемия кезеңін, түрлі індеттерді, улану оқиғаларын зерттеуді, азық-түлік пен тауарлардың қауіпсіздігін бақылауды еске аламыз, мұның бәрі адамдардың денсаулығын күн сайын қорғауға бағытталған, бірақ көпшіліктің көзіне көрінбейтін ауыр жұмыс, - дейді Сәуле Шәріпова.
Тілші сауалына жауап берген ол өзі басқаратын іргелі мекеменің жұмыс барысынат тоқталды. Қазіргі таңда орталықтың жауапкершілік аумағы кең: тамақ өнімдерінің, тұрмыстық тауарлардың, косметиканың, жиһаз бен ыдыстың қауіпсіздігі; жердің радиациялық қауіпсіздігі; ауыз су мен ауаның сапасы – мұның бәрі халық денсаулығына тікелей әсер етеді.
-Біздің орталық – елдегі бірегей мекеме, Президент Іс басқармасы жүйесіндегі санитарлық-эпидемиологиялық қауіпсіздікті қамтамасыз етеді. Халықаралық тренинг орталығы мен KazToxBase токсикологиялық ақпарат орталығының ашылуы – маңызды қадам. TOXBASE (Ұлыбритания) базасына тәулік бойы қолжетімділік берілді, бұл улануларды алдын алу мен емдеуде әлемдік тәжірибеге қосылуға мүмкіндік берді, - деген ол кейінгі жылдардағы жетістіктіктерге тоқталып өтті.
Атап айтар болсақ:
-Орталықтың TOXBASE базасына еліміздің токсикологтарын қосты;
-Тоғыз мемлекеттік органға бизнес-процестерді ұйымдастыру бойынша кеңес берді;
-Қарағанды мен Шымкентте тәулік бойы қолжетімді токсикологиялық орталықтар ашты.
Сұхбаттың толық мәтінімен мына сілтеме арқылы танысуға болады https://www.inform.kz/
