Жуырда Президент Телерадиокешені түсірген «Апорт» атты қысқа метражды деректі фильм көрерменге жол тартты. Бұл туралы Телерадиокешеннің әлеуметтік желідегі ресми парақшаларында хабарлама жарияланды.
-Бұл фильм – апорт жемісін туған жерге қайтарған адамдар туралы. Онда алманың тарихы, ұлттық мақтанышымыз жайлы баяндалады, - делінген хабарламада.
Әсем Алматының символы саналатын алма жемісінің тарихынан бастап көптеген деректер қамтылған телетуынды Jibek Joly арнасынан көрсетілді.
Президент Қасым-Жомарт Тоқаевтың тапсырмасы бойынша, елімізде алма бақтары қайта жаңғырып, апорт плантациялары бой көтеріп жатқанын атап өткен жөн. Жүйелі жұмыстың арқасында алманың ерекше сұрыбы өсірілетін тәлімбақтар салынып, бау-бақшалар көбейіп келеді. Тың телетуындыны мына сілтеме арқылы көруге болады https://www.youtube.com/
