ҚР Президенті Іс басқармасы Медициналық орталығының ауруханасында науқастарды оңалтудағы келтірудің заманауи технологиялары белсенді түрде енгізілуде. Қалпына келтіру және оңалту орталығының жетекшісі Мәдинат Жүнісова реабилитациядағы ең жаңа әдістер мен кешенді тәсілдер туралы баяндап берді.
Бүгінде Орталықта жүруді үйретуге арналған роботтандырылған «Lokomat» кешені, антигравитациялық жүгіру жолы, криосауна, лазерлік және магниттік терапия қолданылады. Ұсақ моториканы дамыту үшін «Amadeo» аппараты пайдаланылады. Сонымен қатар, дәстүрлі әдістер – кинезитерапия, массаж және физиотерапия да бар.
Әлемдік тәжірибеден ендірілген инновациялар қатарында Еуропа мен Азияның жетекші клиникаларында тиімділігі дәлелденген PNF және Mulligan әдістемелері бар. Бұл процесте мультидисциплинарлы команданың – реабилитологтар, физиотерапевтер, психотерапевт, логопед және басқа мамандардың үйлесімді еңбегі маңызды рөл атқарады.
Пациенттердің мотивациясына және отбасының қолдауына ерекше көңіл бөлінеді. Дәл осы факторлар заманауи технологиялар мен дәрігерлердің кәсіби біліктілігімен қатар инсульттан, жарақаттардан, операциялардан кейінгі және жүрек-қан тамырлары мен тыныс алу жүйесі ауруларынан кейінгі қалпына келуді жеделдетеді.
Толығырақ мына сілтеме арқылы танысуға болады https://www.inform.kz/
