ҚР Президенті Іс басқармасы Президенттік орталығында «Қазақстан Республикасының Конституциясына 30 жыл: мықты мемлекет, еркін қоғам, жауапты азамат» тақырыбында сарапшылық кездесу өтті. Бұл туралы dknews.kz хабарлады.
Іс-шараны ҚР Президенті Іс басқармасы Президенттік орталығы директорының орынбасары Серік Сыдықов ашты. Ол сөйлеген сөзінде қатысушыларды келе жатқан мемлекеттік мереке – Конституция күнімен құттықтап, былай деді:
«Елдің Негізгі Заңына енгізілген өзгерістер мен толықтырулар бұрын-соңды болмаған сыртқы және ішкі сын-қатерлерге берік қарсы тұра алатынымызға деген сенімімізді айтарлықтай нығайтты. Әрине, конституциялық реформаны аяқталған деп санауға болмайды. Реформалар үздіксіз сипатқа ие. Конституциялық нормаларды өзектендіру және олардың іске асырылуын бақылау бойынша әлі де көп жұмыс атқарылуы тиіс. Конституциялық реформаны іс жүзінде жүзеге асырудың табысы тек саяси ерік-жігерге ғана емес, сонымен қатар қоғамның мұндай өзгерістерге қаншалықты дайын екендігіне және оларды қазақстандықтар қалай қабылдайтынына тікелей байланысты. Сондықтан алдағы реформаларға тек мемлекеттік құрылымдар ғана емес, сонымен бірге қоғамдық ұйымдардың, сараптамалық қауымдастықтардың өкілдері және белсенді азаматтық ұстанымы бар адамдар қатысуы қажет».
Онлайн режимде өткен іс-шараға азаматтық қоғам мен құқық қорғау ұйымдарының, сондай-ақ «Respublica» партиясының өңірлік филиалдарының өкілдері қатысты.
Талқылау барысында қатысушылар Қазақстан Республикасы Конституциясының даму перспективаларын және азаматтық қоғам мен саяси партиялардың конституциялық үдерістегі рөлін сөз етті.
Іс-шара туралы толығырақ мына сілтеме арқылы оқуға болады https://dknews.kz/
