Бейжіңде Шанхай Ынтымақтастық Ұйымының гуманитарлық алмасуы аясындағы «Үйлесімділік пен бірлік: болашақты бірге жасаймыз» форумында «Silk Way Star» халықаралық музыкалық шоуының ашылу салтанаты өтті.
ҚР Президенті ТРК мен Қытай CMG медиа корпорациясының бірлескен жобасы «Silk Way Star» - музыкалық жоба ғана емес, Еуразия кеңістігіндегі миллиондаған көрерменді біріктіріп, ортақ медиакеңістік қалыптастыратын мәдени бренд екенін атап өткен жөн. Әзербайжан, Армения, Грузия, Үндістан, Қазақстан, Қытай, Қырғызстан, Моңғолия, Тәжікстан Түрікменстан, Өзбекстан және Оңтүстік Корея өкілдері қатысып жатқан музыкалық шоудың түсірілімі 2025 жылдың 26 тамызында басталады. Гранд-финал 22 қарашада «Jibek Joly/ Silk Way» телеарнасының тікелей эфирінде және қатысушы елдердің жетекші телеарналарында көрсетіледі деп жоспарланған.
– «Silk Way Star» мәдени бірліктің жаңа платформасына айналды. Бұл – таланттарды, елдер мен халықтарды біріктіретін, сенім мен шабыт көпірін құратын жоба, - деп атап өтті ҚР Президенті Телерадиокешенінің директоры Раушан Қажыбаева.
ҚКП ОК насихаттау бөлімінің меңгерушісі Ли Шулей «Silk Way Star» жобасының ауқымы Қазақстан мен Қытайдың мәдени-гуманитарлық ынтымақтастығының стратегиялық деңгейін көрсететінін атап өтіп, жобаға сәттілік тіледі.
Толығырақ мына сілтеме арқылы танысуға болады. https://kaz.inform.kz/
