Президент телерадиокешеніне қарасты Jibek Joly арнасының халықаралық «Silk Way Star» мега-жобасына қатысатын шетелдік жұлдыздар Астанаға келді. Бұл туралы ҚазАқпарат агенттігі хабарлады.
12 елдің өнерпазы толық құрамда бас қосқан соң, ұланғайыр шоудың дайындығы да қыза түсті. Ұйымдастырушылар атап өткендей, байқау барысында қазақ мәдениетіне де ерекше назар аударылмақ: өнерпаздар қазақ тіліндегі әндерді орындауға дайындалып жатыр. Бұл — еліміздің бай мұрасын құрметтеудің ғана емес, жобадағы ұлттық мәдениеттердің сан алуандығын көрсетудің де айқын белгісі.
«Silk Way Star» байқауы әрбір қатысушы үшін жай ғана сахналық жарыс емес. Бұл — өзін әлемдік деңгейде танытуға, туған елін абыроймен таныстыруға берілген мүмкіндік. Алда ең қызу дайындық күндері тұр, сондықтан өнерпаздар жүз пайыз күш-жігерін жұмсап, көрерменге Ұлы Жібек жолының қайталанбас ерекше музыка өнерін паш етпек.
Айта кетейік, халықаралық «Silk Way Star» байқауы Азияның бірнеше елдерінің телеарналарында көрсетіледі. Қазақстан атынан байқауға әнші Alem қатысады. Толығырақ https://kaz.inform.kz/
