Қазақстан Республикасы Президентінің Іс басқармасы, 010000, Астана қаласы, Есіл ауданы, Мәңгілік Ел даңғылы, 8-үй, «Министрліктер үйі» ғимараты, 12-кіреберіс, анықтама телефоны: 8 (7172) 741892, «Б» корпусының бос мемлекеттік әкімшілік лауазымына орналасу үшін жалпы конкурс жариялайды:
Қазақстан Республикасы Президенті Іс басқармасының күрделі құрылыс бөлімі күрделі құрылыс секторының меңгерушісі, В-4 санаты (eqyzmet.gov.kz жүйесінің сыртқы порталындағы конкурстар сілтемесі)
Функционалдық міндеттері: жүктелген міндеттерді, Іс басқармасы басшылығының тапсырмаларын уақытында және сапалы түрде орындалуына бақылау жасау. Құрылыс бойынша жұмыстарды мемлекеттік сатып алуға техникалық ерекшеліктер әзірлеу, авторлық және техникалық қадағалау. Құрылыс бойынша жұмыс жобаларының жобалау-сметалық құжаттамалары мен барлық рұқсат құжаттарды дайындау және бас мердігерлерге беру. Жетекшілік ететін объектілер бойынша құрылыс-монтаждау жұмыстарының жүргізілуін ұйымдастыру. Инжинирингтік компаниялардың аттестациядан өткен мамандарымен (техникалық және авторлық қадағалау) расталған нақтылы орындалған жұмыстар көлемдерінің актілерін (2В нұсқа) бас мердігерлердің уақытында ұсынуларын қамтамасыз ету. Құрылысы аяқталған объектіні пайдалануға қабылдауды ұйымдастыру және қамтамасыз ету (жетекшілік ететін объектілер бойынша). Мемлекеттік органдардың сұраулары мен хаттарына жауаптар дайындау.
Орташа лауазымдық жалақысы: 505597
Конкурсқа қатысушыларға қойылатын талаптар:
Жоғары білім, жоғары оқу орнынан кейінгі білім: сәулет және құрылыс.
Конкурсқа барлық қатысушыларға қойылатын жалпы біліктілік талаптары В-4 санаты үшін:
жоғары оқу орнынан кейінгі немесе жоғары білім;
мынадай құзыреттердің бар болуы: стресске орнықтылық, бастамашылдық, жауапкершілік, қызметті тұтынушыға және оны хабардар етуге бағдарлану, парасаттылық, ынтымақтастық және өзара іс-қимыл, қызметті басқару;
жұмыс тәжірибесі келесі талаптардың біріне сәйкес болуы тиіс:
1) жұмыс өтілі үш жылдан кем емес, оның ішінде мемлекеттік органның штат кестесімен көзделген келесі төменгі санаттағы лауазымдарда немесе А-5, B-5, С-4, C-O-4, C-R-2, D-4, D-O-4, D-R-2, Е-3, Е-R-2, E-G-1 санаттарынан төмен емес лауазымдарда өтілі бір жылдан кем емес;
2) жұмыс өтілі үш жылдан кем емес, оның ішінде құқық қорғау немесе арнайы мемлекеттік органдарының лауазымдарында немесе әскери қызметтің басшылық лауазымдарында немесе судья лауазымында;
3) осы санаттағы нақты лауазымның функционалдық бағыттарына сәйкес салаларда үш жылдан кем емес;
4) Қазақстан Республикасының Сот әкімшілігі лауазымдарына сот отырысының хатшысы ретінде жұмыс өтілі үш жылдан кем емес, оның ішінде облыстық деңгейдегі сот отырысының хатшысы ретінде екі жылдан кем емес.