Ресейден шықпай-ақ қазақ мәдениетінің ерекше атмосферасына енуге болады деп жазады nia-kavkaz.ru жаңалықтар порталы. Журналистердің пікірінше, ол үшін Ессентуки қаласындағы «Қазақстан» шипажайында демалу жеткілікті.
Мұнда қазақы рух шипажайдың әрбір бөлшегінен сезіледі: ою-өрнектер, сәндік элементтер мен ұлттық стильде жасалған безендірулер. Qazaq Nomad стиліндегі бөлмелер киіз үй элементтерімен және дәстүрлі қазақ өрнектерімен көркемделген.
Шипажайдың ерекше мақтанышы - диаметрі 22 метр болатын, күмбезді төбесі мен кең панорамалық терезелері бар киіз үй пішініндегі дөңгелек бассейн. Бұл шығыс ертегісіне енгендей әсер сыйлайды. Сонымен қатар, мұнда балаларға арналған шағын киіз үй және асық формасындағы көлемді ойын элементтері де бар. Бұл - кішкентай қонақтардың да ұлттық мәдениетпен танысуына мүмкіндік береді.
«Қазақстан» шипажайының аспаздары еуропалық және орыс асханасымен қатар, дәстүрлі қазақ тағамдарын да ұсынады: бауырсақ, қуырдақ, сорпа, палау, жота-нан және жылқы етінен дайындалған түрлі ұлттық дәмдер.
nia-kavkaz.ru порталы шипажай ұжымы демалушыларға сапалы ем-доммен қатар, еліміздің бай мәдениетін де таныстырып жүргенін атап өтеді. Демалыс бағдарламасына Наурыз, Республика күні және Тәуелсіздік күніне арналған мерекелік және көңіл көтеру шаралары, қазақ фильмдері мен мультфильмдерінің көрсетілімі, этникалық музыка кештері кіреді. Мұның бәрі ерекше ұлттық атмосфераны сезінуге жағдай жасайды.
Материалды мына сілтеме арқылы оқуға болады: nia-kavkaz.ru
