Шілденің аптабында суға шомылу - жазғы демалыстың ең қызықты сәттерінің бірі. Алайда таза көрінген судың астында қандай қауіп жасырын болуы мүмкін?
ҚР ПІБ Медициналық орталығының Референс-зертханасы Паразитология зертханасының меңгерушісі Зарина Читимова табиғи су көздерінде паразиттер мен микробтар жиналуы мүмкін екенін ескертеді.
«Паразиттер тек судың ішінде ғана емес, балшық пен су өсімдіктерінде де өмір сүре алады. Сондықтан су таза көрінсе де, оның қауіпсіз екеніне кепіл жоқ», - дейді маман.
Қандай судан сақ болу керек?
Мынадай белгілерге назар аударған жөн:
• су лайлы немесе тоқтап тұрған болса;
• жағалау қоқысқа толы болса;
• маңында мал жайылып жүрсе;
• су өсімдіктері қалың өскен болса.
Бұл белгілер судың лас екенін нақты дәлелдемесе де, қауіп барын аңғартады.
Суды қалай тексереді?
Судың шын мәніндегі тазалығын зертханалық талдау арқылы ғана білуге болады. Референс-зертханада су үлгілері паразитологиялық және микробиологиялық көрсеткіштер бойынша зерттеледі.
Есте сақтаңыз: Жағажай - тек демалатын орын емес, денсаулығыңызға әсер ететін маңызды орта. Қауіпсіздік - бұл қорқу емес, саналы таңдау.
Толығырақ kaznovosti.kz сайтынан оқи аласыздар.
