ҚР ПІБ Президенттік орталығы цифрландыру қызметінің басшысы Азамат Бүкебаевтың «Қазақстандағы цифрлық технологиялардың дамуы: жетістіктер мен сын-қатерлер» атты мақаласын Dknews.kz порталы жариялады.
Мақалада Қазақстанның цифрландыру бағытындағы жетістіктері мен өзекті мәселелері баяндалады. Дүниежүзілік банктің мәліметінше, 2023 жылдан бастап Қазақстан ТМД елдері арасында жасанды интеллект (ЖИ) технологияларын енгізуге дайын елдердің қатарында. Бұл – мемлекет тарапынан IT-білімге, Big Data инфрақұрылымына инвестиция мен халықаралық ынтымақтастықтың нәтижесі.
Азамат Бүкебаев электрондық үкімет, финтех саласының дамуы, инновациялық экожүйе мен ЖИ-ді дамыту елдегі цифрлық прогрестің айқын көрінісі екенін атап өтеді. Сонымен қатар, цифрлық теңсіздікті жою, шағын және орта бизнесті қолдау, білікті кадрларды даярлау және ЖИ-ді заңнамалық тұрғыдан реттеу қажеттілігі өзекті күйінде қалып отыр.
Автордың айтуынша, мемлекеттік қызметкерлердің небәрі 20%-ы цифрлық құзыреттілікті арттыру бойынша сертификатталған оқудан өткен. Ал шағын және орта бизнестің тек 11%-ы ғана цифрлық құралдарды тиімді қолдануда.
Жеке деректердің қауіпсіздігі, биометрия және алгоритмдік кемсітушілік те маңызды мәселелер қатарында. Сондай-ақ интернеттің кейбір аймақтарда уақытша ажыратылуы азаматтардың цифрлық құқықтарына қатысты алаңдаушылық тудырады.
Мақаланың толық нұсқасын мына сілтеме арқылыоқи аласыз: dknews.kz
