15 мамыр - Халықаралық Отбасы күні. Отбасылық дәстүрдің терең тамыры бар Қазақстанда балабақша балаларды тәрбиелеу мен әлеуметтендіруде ата-аналардың маңызды одақтасына айналып отыр.
Білім министрлігінің дерегі бойынша, қазір елде 1,5 миллионнан астам баланы қамтитын 11,8 мыңға жуық мемлекеттік және жеке меншік мектепке дейінгі мекемелер жұмыс істейді. Бұл сандар мектепке дейінгі білім берудің жоғары қолжетімділігін және оның отбасылар үшін маңыздылығын көрсетеді.
Тиімді әріптестіктің жарқын үлгісі Іс Басқармасы Медициналық орталығының «Қарлығаш» балабақшасында қалыптасқан. Бұл инновациялық балабақша мектеп жасына дейінгі балалардың жан-жақты дамуына бағытталған, заманауи педагогикалық технологияларды белсенді енгізуде. Ата-аналар білім беру процесінің толыққанды қатысушыларына айналады: бірлескен іс-шаралар, мастер-кластар, шығармашылық, зияткерлік және спорттық конкурстар, сондай-ақ жеке және топтық консультациялар сенімді қарым-қатынастарды қалыптастыруға және отбасылық негіздерді нығайтуға ықпал етеді.
Мектепке дейінгі жас — тұлғаның қалыптасуының маңызды кезеңі. Құрдастарымен және ересектермен өзара әрекеттесу балаларға әлеуметтік дағдыларды игеруге көмектеседі: қарым-қатынас жасау, ынтымақтастық, жанжалдарды шешу, жанашырлық таныту. Балабақшада балалар мінез-құлық ережелерін үйренеді, эмоционалды және әлеуметтік интеллектті дамытады, моральдық — адамгершілік құндылықтарды-адалдықты, сыйластықты, жауапкершілікті түсіне бастайды.
Ата-аналар өмірлік белгілерді беруде шешуші рөл атқарады. Отбасы мен балабақшаның ынтымақтастығы баланың жан-жақты және үйлесімді дамуын қамтамасыз етеді. Мұғалімдер мен ата-аналар арасындағы өзара түсіністік сенімге, ашық диалогқа және өзара қолдауға негізделген.
Осылайша, балабақша тек білім беру мекемесіне ғана емес, сонымен қатар балаларды тәрбиелеу мен әлеуметтендірудің сенімді серіктесіне айналады. Тәрбиешілер мен ата-аналардың бірлескен жұмысы баланың тұрақты отбасылық құндылықтарын қалыптастырады және қоғамда сәтті бейімделуге ықпал етеді. Халықаралық Отбасы Күні Отбасылық байланыстарға ұқыпты қарау қажеттілігін еске салады, ал балабақша бұл процесте маңызды қолдау рөлін атқарады.
