Президенттік орталық ұжымы республикалық «Таза Қазақстан» акциясы аясында кезекті іс-шара өткізді. Сенбілікке шыққан іргелі ұжым мүшелері Ақмола облысы, Аққайың ауданындағы «Шапағат» әлеуметтік қызмет көрсету орталығының аумағын абаттандыруға атсалысты.
Сенбілікке қатысушылар орталық аумағынан 150 қап қалдық шығарып, қураған ағаш пен шөптен арылтты. Ағаштардың түбін қопсытып, діңін әктеді, орындықтар мен қоқыс жәшіктерін сырлады.
Сондай-ақ Президенттік орталық атынан әлеуметтік орталықтың қорына 28 кітапты табысталды.
