Қант диабеті қантамыр мен жүйке жүйелерін зақымдап, ақыр соңы адамды аяғынан айыруы мүмкін. Іс басқармасына қарасты Медорталық ауруханасының хирургы Альберт Қыдыралиев осылай деді.
Kazinform ақпарат агентігінің тілшісіне сұхбат берген Диабеттік табан орталығының белді маманы кейінгі 2 жыл ішінде 700-ден астам қант диабетіне шалдыққан науқасты аман алып қалған адам екенін айта кетейік.
Денсаулығын дұрыс күтпесе, қант диабеті әсіресе аяқ тамырлары мен жүйкесін зақымдайды. Глюкоза деңгейінің үнемі жоғары болуынан біртіндеп аяқтағы сезім қабілеті азайып, жарақат алғанын, инфекция түскенін байқамауы мүмкін. Қан айналымының нашарлауы, жарақаттың ұзақ уақыт жазылмауы гангрена қаупін күшейтеді,- дейді маман.
Әрине, бұл дертпен күресудің де тиімді жолдары бар. Ол үшін не істеу қажет? Қандай профилактикалық тәсілдерді қолданған жөн? МО ауруханасындағы Диабет табаны орталығы осы бағытта қаншалықты нәтижелі жұмыс атқарып жатыр? Ауқымды сұхбаттың толық нұсқасы мына сілтемеде.inform.kz
