Парламентаризм институтының бас сарапшысы маңызды құжаттың ерекшеліктерін түсіндірді

Парламент Мәжілісінде сыбайлас жемқорлыққа қарсы іс-қимыл жүйесінің тиімділігін арттыруға бағытталған заң жобасы қаралып жатыр. Парламентаризм институтының сот жүйесі және құқық қорғау органдары орталығының бас сарапшысы Алмагүл Хасенова aikyn.kz порталында жарияланған мақалада жаңа құжатта қарастырылған мәселелерге тоқталды. 
«Қазіргі таңда Парламент сыбайлас жемқорлыққа қатысты “олқылықтардың» орнын толтыру үшін жаңа түзетулерді қарастырып жатыр. Негізгі бастамалардың бірі – пара бергені немесе ұсынғаны үшін қылмыстық жауапкершілікті енгізу. Шын мәнінде, пара алу туралы сөз байласуды аяқталған қылмыс деп санау туралы норма еліміз 2008 жылы ратификациялаған БҰҰ-ның Сыбайлас жемқорлыққа қарсы конвенциясының талаптарына сәйкес келеді. Сыбайлас жемқорлыққа қарсы органдар бұл мемлекеттік қызметші сыйақы үшін әрекет ете бастағанға дейін қылмыстың жолын кесуге көмектеседі деп санайды. Шетелдік тәжірибе көрсеткендей, мұндай эпизодтар бойынша сот істері аз болғанымен, тиісті баптың болуы қоғамды тәртіпке келтіреді, тіпті пара туралы сөйлесуге жол берілмейтін мәдениетті қалыптастырады. Тағы бір маңызды жаңалық – сыбайлас жемқорлардың қоғамдық реестрін құру. Ашық тізімге ауыр және аса ауыр сыбайлас жемқорлық қылмыстары үшін сотталған азаматтар туралы деректер енгізіледі деп жоспарлануда. Соттылығы өтелгеннен немесе алынғаннан кейін ғана тізімнен шығаруға болады», –деді Парламентаризм институтының сыбайлас жемқорлыққа қарсы саясат жөніндегі сарапшысы.
Жаңа заң жобасында қарастырылған өзге де мәселелер туралы мына сілтеме арқылы толық танысуға болады: aikyn.kz