ҚР ПІБ Президенттік орталығында «Қазақстан халқы Ассамблеясы: бірлік пен дамудың үш онжылдығы» атты халықаралық дөңгелек үстел өтті. Іргелі ұйымның құрылғанына отыз толуына орайластырылған жиынған 50-ден астам адам қатысты.
Дөңгелек үстел жұмысына Қазақстанның мемлекет және қоғам қайраткерлері, этномәдени және жастар бірлестіктер басшылары, депутаттық корпус пен халықаралық ұйымдардың өкілдері қатысып, өз ойларын ортаға салды.
Спикерлер еліміздің этникалық және мәдени топтары арасындағы бірлік пен әлеуметтік-саяси тұрақтылықты, мәдениетаралық диалог пен өзара түсіністікті нығайтудағы Қазақстан халқы Ассамблеясының рөлі мен үлесін талқылады.
