Жуырда egemen.kz сайтында ҚР ПІБ Президенттік орталығы директоры Бақытжан Темірболаттың мақаласы жарық көрді. Онда автор мемлекеттің дамуы барысында идеологияның қаншалықты маңызды екеніне тоқталды.
Сонымен қатар, ұлттық құндылықтарымыз – тіліміз бен діліміз, әдебиетіміз бен мәдениетімізді жаңғырту жолындағы тар жол, тайғақ кешулерді айта келіп, оны бүгінгі ұрпақ зерделей білуі үшін не істеу керек деген сауалға жауап іздеді.
- Мемлекет басшысы Қасым-Жомарт Тоқаевтың «Біз, Қазақстан халқы, өзгелердің теріс ықпалына түспейтін өз идеологиямызға сүйенуіміз керек» деген анық әрі нақты тұжырымына жүгіну маңызды. Бүгінде «идеология» деген сөзге үрке қарап, жатырқап қалған жайымыз бар. Оны үстемдіктің құралы деп қабылдайтындар кездеседі. Бұл сөзден ат-тонымызды ала қашудың қажеті жоқ. Президенттің 2023 жылғы 20 наурыздағы Жарлығымен бекітілген Қазақстан Республикасының ақпараттық доктринасында «идеология» сөзі «құндылық» деп қабылданды. Идеология әртүрлі болуы мүмкін, ал ұлттық құндылық – біреу ғана. Сондықтан ақпараттық идеологияның ұстыны ұлттық құндылық болуға тиіс, - дейді Бақытжан Темірболат.
Мақаланың толық мәтінін мына сілтемеден оқуға болады.
