Өзгерістер қарқын алған кезде халықтың уақыт талаптарына тез бейімделе білуі өте маңызды. ҚР Президенттік орталығының жетекші ғылыми қызметкері, ғылым докторы Гүлмира Кенжебалина осы тақырыпта «Казахстанская правда» газеті арқылы оқырманмен өз пікірін бөлісті.
Маман «Біздің заманымыздың басты тренді — тез өзгеру, бұл өте қиын» деп атап өтті. Жасанды интеллект және автоматтандыру сияқты технологиялық өзгерістер экономиканы ғана емес, сонымен қатар білім беру мен еңбек нарығын қоса алғанда, қоғамдық құрылымды да өзгертеді.
Сол үшін де Қазақстан президенті Қасым-Жомарт Тоқаев Жолдауда цифрлық технологияларды жедел дамыту, Астанада маңызды білім беру және ғылыми платформа ретінде қызмет ететін Ұлттық жасанды интеллект орталығын ашу қажеттігіне назар аударды.
Гүлмира Кенжебалина біздің елімізде ұзақ ойлануға уақыт жоқ деп санайды. Жас азаматтардың табысты жұмыс істеуіне қажет сыни пайымға, бейімделуге және креативтілікке ерекше назар аударған жөн.
Дүниежүзілік экономикалық форумның болжамы бойынша 2025 жылға қарай 85 миллион жұмыс орны жойылады, алайда 97 миллион жаңа жұмыс орны ашылады. Қазақстанда жұмыс орындарының 52 % ыавтоматтандырылады. Бұл адамдардың жаңа дағдыларды дамытып, құбылмалы жағдайларға бейімделуі үшін үздіксіз білім беру тұжырымдамасын енгізу қажеттілігін көрсетеді.
Толық материалды сілтеме арқылы оқуға болады.
