Президент ТРК бас директоры Раушан Қажыбаева Tengrinews.kz-ке берген сұхбатында Телерадиокешеннің екі жылдық трансформация нәтижелерімен бөлісіп, медиакомпанияның даму жоспарын атап өтті. Қазіргі уақытта кешен өз құрамына телеарналар, ақпарат агенттігі және продакшн-базаны біріктіріп, сапалы телевизиялық контент, объективті ақпарат және ұлттық мүдделерді халықаралық деңгейде насихаттауды қамтамасыз етеді.
Kazakh TV ребрендингі нәтижесінде жаңа отбасылық арна Jibek Joly мен халықаралық Silk Way құрылды.
«Арнаның халықаралық эфирі, мен айтып өткендей, Silk Way брендімен шығып, 4 құрлықтағы 120-дан астам елде хабар таратады. Бүгінгі таңда арнаның жергілікті жерде таратуын қамтамасыз ететін 200-ден астам серіктесі бар және ресми дистрибьюторлардың тұтас желісі бар», - деп атап өтті Раушан Қажыбаева.
Оның айтуынша, Silk Way арнасының стратегиялық міндеті – Орталық Азияның дауысы болып, әлемге осы аймақтың атынан сөйлеу. Қазіргі уақытта арна аймақтың бес елінің бірыңғай ақпараттық кеңістігін қалыптастыруда жұмыс істеуде. ТРК Түрікменстан және Тәжікстан әріптестерімен серіктестік орнатты.
Сонымен қатар, Silk Way Cinema қазақстандық кино мен креативті индустрияны шетелде ілгерілетеді. Канал 16 елде қолжетімді.
Биыл ТРК «100 сарбаз» атты реалити-шоуды, сондай-ақ 66 сериялы үш сериалды шығаруды жоспарлап отыр. Р. Қажыбаева «Қазинформды» құрлықтағы жетекші ақпараттық бейнеагенттікке айналдыру мақсатын да атап өтті.
Сұхбаттың толық мәтінін сілтеме бойынша оқи аласыздар. Сілтеме
Фотоларды Tengrinews.kz сайтынан қолданылды.
