ҚР ПІБ Президенттік орталығында V Дүниежүзілік көшпенділер ойындары аясында «Спорт жастардың әлеуметтік интеграциясының құралы: көшпелі мәдениет сабақтары» атты халықаралық конференция өтті.
Конференцияға қатысушылар жастардың әлеуметтік интеграциясындағы спорт пен көшпелі мәдениет дәстүрлерінің рөлін талқылауға баса назар аударды.
Жастар алдында танымал қазақстандық спортшылар – Олимпиада чемпионы Лондон Олимпиадасының чемпионы Серік Сәпиев, Бейжің Олимпиадасының күміс жүлдегері, Рио-де Жайнейродаы Олимпиаданың қола жүлдегері Ольга Рыпакова, сондай-ақ биыл Парижде жалауы желбіреген ойындардың күміс жүлдегері Нариман Құрбанов сөз сөйледі.
ЮНЕСКО-ның Қазақстандағы, Қырғызстандағы, Тәжікстандағы және Түрікменстандағы өкілі, ЮНЕСКО-ның Алматы қаласындағы Өңірлік кеңсесінің директоры Әмір Пирич, ЮНЕСКО Бас конференциясының 42-ші сессиясының төрағасы Симона Мирела Микулескумен бірлесіп, еліміздің мемлекеттік органдары мен үкіметтік емес ұйымдардың өкілдері ұлттық спортты дамыту мәселелерін сөз етті. Конференцияға қатысушылар көшпелі өркениеттер дәстүрлерімен байланыстың жастарға тигізетін пайдасы, сондай-ақ әлеуметтік бірлікті нығайтуға, инклюзивті қоғам құруға спорттың қалай ықпал ететіні туралы ойларымен бөлісті.
Іс-шара ҚР Президенттік орталығы мен ЮНЕСКО-ның Алматы қаласындағы аймақтық кеңсесі, ЮНЕСКО Клубтарының Қазақстан ұлттық федерациясы, ҚР ҰОК және «БҰҰ-әйелдер» құрылымының қолдауымен өтті.
