Медициналық технологиялар және ақпараттық жүйелер орталығы биыл 1300-ден астам қазақстандықты оқытса, оның мыңнан астамы медицина қызметкерлері.
Жыл басынан бері түрлі бағыттағы 50-ден астам тренинг өткізілді, деп хабарлайды egemen.kz .
Орталықпен серіктестікте 100-ден астам қазақстандық және шетелдік сарапшы оқытушылар жұмыс істейді. Бұл нарықта мойындалған жоғары деңгейдегі мамандар (ғылым докторлары, PhD докторлары, халықаралық сертификаттардың иелері).
Медицина қызметкерлерінен басқа курс тыңдаушылары арасында заңгерлер, есепшілер, экономистер, қаржыгерлер, кадр бөлімінің қызметкерлері, инженерлік-техникалық қызметкерлер және басқа да мамандар бар.
Орталық 12 жыл бойы Президент Іс басқармасы мен оған қарасты ұйымдардың қызметкерлерінің білімін дамытып, үнемі жаңартып отыруға ықпал етіп келеді.
