Бүгін елімізде World Clean Up Dayдүниежүзілік экологиялық акциясы басталды. ҚР Президенті Іс басқармасының орталық аппараты мен бағынысты ұйымдардың қызметкерлері іс-шараға белсене атсалысты.
Іс Басқармасының орталық аппараты, Медициналық орталығы, Мемлекеттік резиденциялар дирекциясы, Әкімшілік ғимараттар дирекциясы, Автошаруашылық сынды мекемелерде қызмет атқаратын 250-ге жуық адам сенбілікке шығып, елорда көшелерін тазалауға үлес қосты. Олар өздеріне берілген аумақтан 460 қап қоқыс жинады.
Еліміз World Clean Up Day акциясынабесінші рет қатысып жатқанын айта кетейік. Алдын ала мәліметтер бойынша бүгін республика бойынша 100 мыңнан астам сенбілікке шықты.
